Unaona lugha zote hapo juu? Tunatafsiri habari za Global Voices kufanya habari za kidunia zimfikie kila mmoja.

Habari kutoka Muhtasari wa Habari

Nini Tofauti ya Kusoma na Kuelimika?

Pedro Muller anatafakari kuhusu matatizo yanayoukabili mfumo wa shule, taasisi anayosema ilimaanisha mazingira tofauti ya kihistoria. Kwa kusema hayo, anabainisha umuhimu wa dhana hizi mbili zinazofanana lakini zikimaanisha nyakati mbili tofauti: “Kusoma” na “kuelimika”:

El educar se va más allá de memorizarse un par de nombres y olvidarlos al siguiente día, consiste en aprender tener la curiosidad de preguntarse qué hay detrás de lo obvio, es adquirir habilidades, ejercitar tu pensamiento lateral un pensamiento divergente o como muchos dicen “fuera de la caja”, educarse también es crear y hacer convertir nada en algo, innovar.

Nosotros aprendemos mejor en grupo es parte de nuestra naturaleza, discutir, pensar y reflexionar sobre un tema en específico sacar conclusiones, como muchos dicen la mejor manera de educarse es aprender.

TKuelimika kunaenda mbali zaidi ya kukariri majina kadhaa na kuyasahau siku inayofuata. Kuelimika ni kuwa na udadisi na kuhoji yale yaliyofichika nyuma ya kinachoonekana kuwa mazoea, ni kuwa na ujuzi, kuutumia uwezo wa kufikiri tofauti, fikra mbadala tunazoweza kuziita “kufikiri nje ya boksi”. Kuelimika ni kujifunza kuwa mbunifu na mgunduzi.

Tunajifunza vizuri kwenye makundi; ni sehemu ya asili yetu kujadili, kufikiri na kutafakari mada mahususi na kufanya mahitimisho. Inasemekana kwamba namna nzuri ya kuelimika ni kujifunza.

Muller anawakaribisha wasomaji wake kutazama video ifuatayo iliyo katika Kiingereza, ambako Logan LaPlante anazungumzia dhana ya “kuidua elimu” au “dukuaelimu”, anayosema ni mchakato wa kujifunza kwa kikundi, kwa mtindo wa kujaribu na, zaidi, umuhimu wa ubunifu.

Endelea kusoma makala ya Muller hapa, au mfuatilie kwenye mtandao wa Twita.

Makala haya ni sehemu ya 46 ya #LunesDeBlogsGV (JUmatatu ya blogu ya GV) mnamo Machi 23, 2015.

Mwizi Akamatwa, Aomba Msamaha na Kusamehewa

Captuira de pantalla de video en YouTube del usuario KDNA15TV.

Picha ya video kwenye mtandao wa YouTube iliyowekwa na mtumiaji KDNA15TV.

Labda alidhani ingekuwa vyepesi kuiba shampoo mali ya mmiliki wa duka nchini Peru, lakini mambo yalimwendea mrama mwizi huyu.

Mtu mmoja akiwa ameongozana na mwenzake waliingia kwenye duka lililoko kwenye jiji la Huancayo nchini Peru, wakisema walikuwa wanataka kununua pombe, na mmiliki alipokuwa amepumbazwa kidogo, jamaa walibeba boksi la shampoo. Mmiliki aligundua mchezo wao na kuwaarifu walinzi. Ili kuzuia tukio hilo lisifike mbali, mmoja wa wezi hao alipiga magoti na kuomba msamaha. Mmiliki wa duka, aliyekuwa mwanamke, aliguswa na kitendo hicho na akaamua kuachana na mpango wa kuwachukulia hatua. Mwenzake na mwizi huyo aliyeomba msamaha naye alinufaika na msamaha huo, ingawa hakuwa ameomba msamaha.

Jamaa huyo alidai hatarudia tena kufanya kitendo kama hicho.

Blogu ya Noticias Huancayo Perú ilisimulia mhutasari wa tukio hilo:

Se arrodilló y pidió perdón a la anciana manifestando que era la última vez que robaría. La agraviada […] al aceptar sus súplicas del ladrón negó en denunciar el hecho.

Lipiga mgoti na kumwomba mwanamke wa umri wa makamo amsamehe, akimsihi kwamba hiyo ndiyo itakuwa mara yake ya mwisho kuiba. Mama huyo […] kwa kukubali ombi la mwizi wake, aliamua kuachana na mpango wa kutoa taarifa ya tukio hilo.

Mtumiaji KDNA15TV aliweka video zinazozungumzia tukio hilo:

Mwizi apata msamaha baada ya kupiga magoti kuomba msamaha kwa kuiba boksi la shampoo. Alikuwa na rafiki yake waliyekuwa wameambatana…

Upigaji Kura Unaendelea Tuzo za Blogu Nchini Kenya 2015

Sehemu ya kupiga kura kwenye Tuzo za Blogu Nchini Kenya inaendelea mpaka Aprili 30, 2015:

Tuzo za Blogu Nchini Kenya hutafuta kuwatuza wanablogu wanaoandika mara kwa mara, wanaoandika madhui yanayosaidia, na wenye ubunifu na ugunduzi. Tuzo hizi ni jitihada za Chama cha Wanablogu Kenya (BAKE) katika kukuza ubora wa maudhui yanayochapishwa mtandaoni. Waandaaji wa tuzo hizi ni wanachama wa Chama cha Wanablogu Kenya (BAKE), jumuia inayowakilisha kikundi cha wazalishaji wa maudhui mtandaoni kinachotaka kukuza uzalishaji wa maudhui na kuboresha kiwnago cha maudhui yanayowekwa mtandaoni.

Jiandae kwa Mkutano wa MozFest Afrika Mashariki 2015

MozFestEA ni tukio litakalofanyika kuanzia Julai 17 – 19, 2015 kwenye Chuo Kikuu cha Victoria, Kampala, Uganda likiwa na maudhui makuu, “Kutafuta Majibu ya Changamoto za Afrika, kwa pamoja mtandaoni”:

MozFest Afrika Mashariki ni tukio la kila mwaka linalowaleta pamoja wataalam wa elmu, wabunifu, wasomi na mafundi wa Afrika Mashariki kujaribu kujadili namna ya kujenga mtandao kwa pamoja kwa kuweka msingi wa ukuaji wa mtandao wa intaneti na teknolojia ya habari barani Afrika.

Tukio hili limeenea Afrika nzima kusaidia kukabili changamoto za teknolojia zinazolikabili bara la Afrika kwa kutumia mifumo mizuri ya ushirikiano.

Shambulio la Kigaidi Laua Watu Watano Mjini Bamako

Screen capture of police forces in Bamako, Mali after the terrorist attack

Picha ya majeshi ya polisi mjini Bamako, Mali baada ya shambulio la kigaidi

Shambuliko la kigaidi lilitekelezwa kwenye mgahawa jijini Bamako, makao makuu ya Mali, limechukua maisha ya watu watano usiku wa siku ya Ijumaa mnamo Machi, 6. Shambulio hilo lilifanyika usiku wa maneno kwenye mkahawa unaoitwa took Terrasse kwenye mitaa ya Bamako na watu zaidi ya kumi wamejeruhiwa vibaya. Washukuiwa wawili wamekamatwa na wanaendelea kuhojiwa na vyombo vya ulinzi na usalama. Afisa wa polisi aliripoti kwamba watu   hao wawili walikuwa na silaha kali pamoja na mavazi ya kijeshi. Mtu mmoja alilipua bomu kwenye mkahawa. Raia wawili wa watatu, Mfaransa mmoja na raia mwingine wa Ubelgiji waliuawa. Mwanablogu mmoja aliweka video inayoonesha vikosi vya polisi waliokuwa wakifanya uchunguzi kwenye eneo la tukio:

Mchangiaji wa Global Voices Marc- André Boisvert aliandika kwenye mtandao wa twita kwamba shambulio kama hilo halikuwa linaepukika, kwa sababu Mali bado inajitahidi kurudisha hali ya amani kwenye ukanda huo wa Kaskazini:

Sote tulijua tukio hili lingetokea mjini Bamako. Sote tunajua shabaha ilikuwa kuwalenga wapiga kelele. Lakini bado tunashangazwa

Philippe Paoletta, mkazi wa Bamako, anakubaliana na Marc-André:

Kila moja alijua yaliyotokea yangetokea wakati fulani hapa Bamako. Hata hivyo hiyo haifanyi hali hiyo isiwe ya kushangaza. Mwenyezi Mungu aziweke pema roho za marehemu

 

Tunawatakia majeruhi wa shambulio kupona kwa haraka.

Ufisadi Uliofanywa na Makampuni Makubwa Katika Kupambana na Ebola Nchini Sierra Leone

Makampuni matano nchini Sierra Leone yanasemekana kutumia fedha zilizokusudiwa kupambana na Ebola kwa njia za kifisadi:

Haya hapa makampuni matano yaliyokuwa yameingia mikataba mikubwa ya kusambaza vifaa na kutoa huduma katika kupambana na ugonjwa wa Ebola nchini Sierra Leone kama yalivyoorodheshwa kwenye Taarifa ya Ukaguzi ya Fedha za Kupambana na Ebola kwa kipindi cha kuanzia Mei – Oktoba 2014. Mikataba ifuatayo hakukidhi sheria na sera za manunuzi za nchi na nyaraka za kuthibitisha namna [makampuni haya] yalivyoshinda tenda hizo hazionekani, na hakuna anayeweza kutoa maelezo. Hali hii inafanya uwepo uwezekano wa kutokea vitendo vya kifisadi, upotevu na hata matumizi mabaya ya fedha na hivyo kuzorotesha uwezo wa taifa hilo kupambana na janga hilo.

2015 Mwaka wa Kufanyika Chaguzi Huru na Haki Barani Afrika

Wekesa Sylvanus anataraji kwamba 2015 utakuwa mwaka wa chaguzi huru na haki barani Afrika:
https://wekesasylvanus.wordpress.com/2015/02/18/will-2015-be-a-year-of-free-and-fair-elections-in-africa/

Tangu kurejeshwa kwa mfumo wa demokrasia ya vyama vingi barani Afrika, ushindani nyakati za uchaguzi umekuwa suala la kufa na kupona kwenye nchi nyingi za ki-Afrika. Chaguzi barani Afrika ni suala lenye hatari zake na katika nyakati za hivi karibuni, chaguzi zimekuwa kichocheo cha migogoro. Kenya na Ivory Coast ni mifano mizuri ya namna kutokusekana kwa utaratibu mzuri wa uchaguzi kunavyoweza kuiingiza nchi kwenye machafuko. Karibu nusu karne baada ya uhuru, nchi nyingi za ki-Afrika hazijaweza kuwa na taratibu sahihi kufanya chaguzi zilizo huru na haki. Mwaka 2015 utashuhudia nchi nyingi zikiingia kwenye uchaguzi. Chaguzi za Rais na/au wabunge zitafanyika kwenye nchi za Naijeria, Sudan, Ethiopia, Burundi, Tanzania, Zambia, Togo, Ivory Coast, Mauritius, Jamhuri ya Afrika ya Kati, Burkina Faso, Naija, Guinea, Chadi, na Misri na labda Sudani Kusini kutegemeana na makubaliano ya amani yanayotarajiwa kuwekewa saini. Nyingi za nchi hizi zimepambana kutaasisisha utendaji wa kidemokrasia katka siku za hivi karibuni. Mwaka 2015 unaleta fursa kubwa kwa nchi hizi kuionesha dunia kwamba sasa zimekomaa kidemokrasia.

Filamu: ‘Sanaa ya Ama Ata Aidoo’

The Art of Ama Ata Aidoo ni filamu iliyotayarishwa na mtayarishaji wa filamu Yaba Badoe:

The Art of Ama Ata Aidoo, inasaili mchango wa kisanii wa mmoja wa waandishi wanawake mashuhuri barani Afrika, anayeongoza kizazi hiki kwa kipaji kipya cha pekee.
Dokumentari hii inasaili safari ya ubunifu ya Ama Ata Aidoo ya miongo saba kuanzia enzi za Ghana inayotawaliwa na wakoloni, kupitia nyakati za uhuru, mpaka Afrika ya leo ambako ubunifu wa vipaji vya wanawake hauonekani kiwepesi.

The Art of Ama Ata Aidoo (Teaser) from Big Heart Media kwenye mtandao wa Vimeo.

Boko Haram Yaua Watu Wasiopungua 81 Huko Fotokol, Cameroon Kaskazini

Northern Cameroon border, where Boko Haram operates

Mpaka wa Cameroon Kaskazini, ambako where Boko Haram hufanya kazi zao

Mnamo Februari 4, Boko Haram walifanya shambulio baya kwenye mji wa Fotokol Kaskazini mwa Cameroon, baada tu ya kuvuka mpaka wa Naijeria. Mamia wa raia wanahofiwa kupoteza maisha 81 wamethibitika kufa na Wizara ya Ulinzi. Shirika la Haki za Binadamu nchini humo linaamini kwamba karibu watu 370 wameuawa. Mashuhuda wa tukio hilo wanasema kwamba miili kadhaa ilipatikana kwenye mitaa ikiwa imechinjwa makoromeo.  Mji wa Fotokol umekuwa ukikabiliwa na vita kati ya Boko Haram na majeshi ya Cameroon na Chadi kwa siku za hivi karibuni: Machi 2014, Agosti 2014 na Oktoba 2014. Mwanablogu wa Cameroon Noelle Lafortune anaripoti kwamba shambulio hilo linaonesha kwamba Boko Haram inaweza kuwa inaanza kupoteza nguvu katika eneo hilo:

Au front, la peur est en train de changer de camp. L'entrée en scène de l'armée tchadienne en appui aux armées camerounaise et nigériane semble être décisive, eu égard à la panique qui s'est emparée de Boko Haram.  La puissance de feu des forces coalisées a mis en déroute Shekau et sa bande. 

Kwenye mstari wa mbele, wasiwasi unakumba pande zote. Kujitokeza kwa jeshi la Chadi uunganisha nguvu na majeshi ya Camerron na Naijeria kuonekana kuwa na maamuzi sasa, imeleta hali ya tahayaruki kwa kikundi hicho cha kigaidi cha Boko Haram. Mapigano ya majeshi hayo ya pamoja yalimng'oa Shekau (kiongozi wa Boko Haram) na genge lake.

Video: Mwanasheria wa Swaziland Aliyefungwa Jela Azungumza Kupitia Wanaharakati wa Haki za Binadamu

#swazijustice ni kampeni inayotoa wito wa kuachiliwa huru kwa Bheki Makhubu, mhariri wa gazeti la Taifa na Thulani Maseko, mwanasheria wa haki za binadamu, ambao walifungwa jela nchini Swaziland kwa miaka miwili kwa sababu ya kuandika makala kukosoa mfumo wa mahakama nchini humo. Wawili hao walikamatwa tarehe 17 Machi 2014 na kuhukumiwa kifungo cha jela cha miaka miwili mnamo Julai 25, 2014.

Kampeni ya video ifuatayo inamwonesha Rais wa RFK Center Kerry Kennedy, Askofu Mkuu Desmond Tutu na wanaharakati wengine wa haki za binadamu wakisoma taarifa iliyoandikwa na Thulani Maseko akiwatetea watu wa Swaziland:

Umoja wa Ulaya Hautatoa Nafuu ya Kodi ya VAT kwa Vitabu ya Kidigitali

Imagen compartida por Blog de sinerrata editores    usada con permiso

Bendera ya Umoja wa Ulaya. Picha ya Sinerrata Editores, imetumiwa kwa ruhusa.

Mnamo Machi 5, 2015, Mahakama ya Haki ya Umoja wa Ulaya ilitoa hukumu kwamba punguzo la kodi ya ongezeko la thamani (VAT) lililotolewa kwa vitabu vinavyochapishwa halitahusisha vitabu vya kidijitali, kwa kuzingatia kwamba kila kinachosambazwa au kutolewa kwa mfumo wa kieletroniki au kwa mtandao wa intaneti ni huduma. Amalia Lopez anahoji hukumu hiyo kwenye blogu ya Sinerrata Editores:

Lo que más me ha llamado la atención es que refuerzan la decisión utilizando el argumento del soporte, […] que igual tuvo sentido en algún momento del pasado pero hoy en día me resulta completamente absurdo. Es verdad, el libro electrónico es un archivo no un objeto pero, ¿es un libro menos libro porque lo guardo en mi ordenador o mi lector electrónico en vez de en la estantería? ¿Cuándo leo un libro digital la experiencia cultural es menor que cuando es un libro de papel? Es decir, lo que este tribunal ha sentenciado (o esa es mi interpretación) es que lo que hace de un libro un producto cultural y por tanto merecedor de un impuesto reducido (y un menor coste para los consumidores) es el papel en el que está impreso.

Kinachonishangaza ni kwamba walitumia mfumo wa kitabu kama hoja ya kufanyia maamuzi yao, […] jambo linaloweza kuwa na mantiki kwa kipindi cha nyuma, lakini leo, ninaona huu ni sawa na upuuzi. Ni kweli, kitabu cha kidijitali ni faili tu na sio kitu, lakini je nikikiweka kitabu kwenye kompyuta yangu au kifaa kingine cha kukisomea badala ya kukiweka kwenye kabati, hiyo inakifanya kisiwe na hadhi ya kitabu? Ninapokisoma kitabu kilicho kwenye mfumo wa kidijitali, uzoefu wa kitamaduni ninaoupata unakuwa pungufu ya ule ninaoupata nikiwa nakisoma kitabu kwenye karatasi? Ndio kusema, kilichoamuliwa na mahakama (au, angalau, hiyo ni tafsiri yangu tu) ni kwamba kinachofanya kitabu kiwe zao la utamaduni, na hivyo kustahili kupata punguzo la kodi (na hiyo maana yake ni punguzo la bei kwa wateja), ni karatasi linalotumiwa kuchapishia kitabu hicho.

Uamuzi huo unahusisha vitabu vinavyopakuliwa au kutazamwa mtandaoni na inahusisha mifumo kama kompyuta, simu za kisasa na vifaa vingine vya kusomea.

Unaweza kusoma zaidi kuhusu mada hii kwenye makala ya  Amalia Lopez kwenye mbogu ya Sinerrata Editors, na kuwafuatilia kwenye mtandao wa Twita: @Sinerrata.

Makala haya ni sehemu ya 43 ya #LunesDeBlogsGV (Jumatatu ya Blogu kwenye GV) mnamo Machi 2, 2015.

Mpigania Amani wa Uganda awa Miongoni mwa Watakaoshindania Tuzo ya Amani ya Nobeli

This is Uganda (ThisIs256) ni jukwaa la waandishi waliobobea kutoka Uganda walio na utayari wa kuandika habari makini za kuihusu nchi yao, wakilenga kutokomeza uanahabari uchwara, njaa, Ebola, ukabila, pamoja na mambo mengine. Wanachojaribu kukifanya ni kuanzisha aina ya utafiti kuihusu Uganda ambao ni halisi, makini, wa kweli na usio wa kiupendeleo ambao kamwe usingalikuwa rahisi kuuona kwenye vyombo vikuu vya habari vya magharibi.

Habari yao ya hivi karibuni ni ya kumhusu Victor Ochen,aliyekuwa mmoja wa wakimbizi wa ndani, aliyependekezwa na American Friends Service Committee (AFSC), ambayo ni taasisi ya utetezi wa haki za kiraia, kushindania Tuzo ya Amani ya Nobeli.

Kwa kipindi cha nyuma, AFSC iliwapendekeza akina Desmond Tutu, Martin Luther King Jr., na Rais wa Marekani, Jimmy Carter, ambao wote walifanikiwa kushinda tuzo hii. Taasisi hii mara kadhaa ilimpendekeza Mahatma Gandhi, ambaye hata mara moja hakufanikiwa kutangazwa mshindi wa tuzo ya amani ya Nobeli, pamoja na kupendekezwa kuigombea mara tano kati ya miaka ya 1937 na 1948.

Ochen, mwenye umri wa miaka 33, alianzisha taasisi ya African Youth Initiative Network, mnamo mwaka 2005 iliyo na mskani yake huko Lira, Uganda, taasisi iliyo na jukumu la kuwasaidia watu kurudia katika hali yao ya awali wakiwemo wale walioungua kwa moto, ukeketaji wa namna mbalimbali, ubakaji, pamoja na unyanyasaji wa kisaikolojia ikiwa ni pamoja na kuwahamasisha vijana katika masuala ya uongozi. Hadi sasa taasisi hii imeshapanuka kiasi cha kuwa mtandao wa kimataifa wa wataalamu wa tiba ambao jukumu lao ni kuwasaidia wahanga kujenga upya makazi yao na maisha yao. Kwa mujibu wa This is Uganda:

Kwa kile Victor alichokifanya kwa moyo wake wa dhati wa kujitolea, ndicho kilichomfanya kuwa mmoja wa watu waliopendekezwa kuwania tuzo hii iliyo ya heshima ya hali yajuu. Akiwa kijana mdogo katika kambi ya Abia iliyokuwa na watu zaidi ya 40,000, kambini hapo, aliweza kuanzisha kikundi cha amani akiwa na wenzake. Mkakati huu uliwakasirisha wazee kiasi cha kumuuliza “Kwa nini unaongelea amani ambayo hujawahi kuiona?” Alijitolea; alihatarisha maisha yake kwa kuchoma mkaa ili apate ada ya shule. Baadae alijiunga na elimu ya sekondari ambapo ni mara chache sana alipata muda wa kufanya biashara yake ya mkaa, hivyo alilazimika kuwa fundi viatu, alikuwa akirekebisha viatu vya watoto shuleni. Wakati fulani Victor alijipatia kazi nzuri ya kufanya maboresho ya viatu vya timu ya shule ya mpira wa miguu, kwa bahati mbaya fedha aliyoipata iliibwa. Kusoma kwake kwa bidii na kupendwa kwake na walimu kulimuwezesha kusoma elimu ya upili

Victor alionesha uzalendo wa kweli kwa nchi yake hata pale alipokuwa akifanya kazi na taasisi ya straight talk foundation ya Kampala, alipokuwa akikutana na watu katika shughuli zake aligundua kuwa watu wa Kaskazini mwa Uganda kuna mengine zaidi walistahili na walihitaji mbali na vipeperushi. Na hili ndilo lililomfanya akaacha kazi yake na kuanzisha Mradi wa Mtandao wa Vijana wa Kiafrika (African youth initiative Network). Mradi huu unazikutanisha jamii na hususani vijana ili waweze kudumisha amani pamoja na kulinda haki za binadamu na kuleta maridhiano. Wanatoa msaada wa saikolojia ya inayohusiana na matatizo ya kijamii, wanatoa msaaada kwa wahanga wa migogoro iliyotokea kipindi cha nyuma, wengi wao wakiwa ni wale walio na maumivu makali ya kihisia na wanaohangaika kupata msamaha, pia wameshasaidia zaidi ya watu 5000 waliokuwa wanahitaji upasuaji wa kurekebisha sehemu za mwili hususani kwa wanawake ambao midomo yao ilikatwa. Mradi huu ambao pia unawawezesha vijana katika shughuli mbalimbali za kuwapatia kipato, umesaidia pia kuaanzishwa kwa klabu 100 amani kaitka mashule na kwenye vyuo vikuu Kaskazini mwa Uganda na zaidi ya vijana 6000 wameshahudhuria mafunzo ya kuimarisha amani na upatikanaji wa waki.

Kufuatia Shambulizi la Garissa, Jamii ya Wazungumzaji wa Kifaransa Waungana na Wakenya

Twitter users show support for Garissa victims via Arnaud Seroy on twitter

Watumiaji wa Twita waonesha mshikamano wao na wahanga wa tukio la Garisa kupitia Arnaud Seroy katika Twita

Kwa mujibu wa Kituo cha Kitaifa cha Kukabiliana na Majanga cha nchini Kenya (KRCS), mnamo Aprili 2, 2015, watu wasiopungua 147 waliuawa kwa kufyatuliwa risasi katika chuo kikuu cha Garissa nchini Kenya. Kituo hicho pia kilitaarifu kuwa  watu 79 walijeruhiwa na wengine 587 walifanikiwa kutolewa kutoka katika eneo la tukio.

Mtuhumiwa mkubwa wa mauaji haya ya halaiki ni kikundi cha wanamgambo wa Al-Shabaab kilicho na maskani yake nchini Somalia kilichotangaza kuhusika na shambulizi hilo.

Maelezo kutoka kwa wahanga wa tukio hili zilichochea watu kuonesha mshikamano wao kutoka katika maeneo mbalimbali duniani kote. Jamii ya wazungumzaji wa lugha ya Kifaransa, bado wakiwa na kumbukumbu ya shambulizi la Charlie Hebdo, walionesha mshikamano wao na wahanga wa shambulizi la Garissa kupitia mitandao ya kijamii katika kiungo habari #JesuisKenyan (kama taswira ya kiungo habari cha hashtag #JesuisCharlie). Hii ilikuwa ndio mada ya pili kwa mvuto kuliko nyingine yoyote katika Twita nchini Ufaransa mnamo Aprili 3.

Yafuatayo ni baadhi tu ya machapisho hayo:

Watu 147 wamepoteza maisha katika shambulizi la kutisha la kigaidi dhidi ya wanachuo vijana wa taifa la kesho. Tuoneshe mshikamano wetu#JesuisKenyan

Haitoshi kuzungumzia shambulio hili la kigaidi lililotokea katika chuo kikuu cha Kenya kwenye mitandao ya kijamii, watu 147 ni wachache?! Inatisha sana #JesuisKenyan

Makampuni ya Teknolojia Nchini Kenya Yaliyofadhiliwa Mwaka 2014

Je, unayajua makampuni ya teknolojia nchini Kenya yaliyopata ufadhili kwa mwaka 2014? Erik Hersmann anayaorodhesha kwenye blogu yake:

Fedha za mtaji wa awali

Angani – Huduma za mtandao wa umma wa kompyuta
BRCK – Huduma za mtandao wa Si-Waya za WiFi
CardPlanet – Mfumo wa malipo kwa njia ya simu za mkononi unaolenga biashara na AZISE
iProcure – Zana za kuongeza upatikanaji wa huduma vijijini
OkHi – Mfumo wa anuani za makazi kwa masuala ya manunuzi
Sendy – Huduma za pikipiki
Tumakaro – Mfuko wa elimu unaoendeshwa na raia waishio ughaibuni
Umati Capital – Huduma za vyama vya ushirika, wafanyabiashara na shughuli za viwanda
GoFinance – Mtaji kwa fedha za wasambazaji wa FMCG
BuyMore – Kadi ya punguzo ya elekroniki kwa wanafunzi
TotoHealth – Teknolojia ya ujumbe mfupi wa maandishi kwa afya ya watoto
BitPesa – Huduma ya malipo kwa ajili ya Waafrika

Kampeni ya Facebook Yampa Mwandishi wa Iran Masih Alinejad Tuzo ya Haki za Wanawake

 

The cover photo from Masih Alinejad's Facebook page "My Stealthy Freedom"

Picha kuu kutoka kwenye ukurasa wa Facebook wa Masih Alinejad uitwao “My Stealthy Freedom”

Mwandishi raia wa Iran anayeishi London Masih Alinejad ameshinda Tuzo ya Haki za Wanawake kwa mwaka 2015 kwenye Mkutano wa Geneva wa Haki za Binadamu na Demokrasia kutokana na kampeni yake kwenye mtandao wa Facebook iitwayo “My Stealthy Freedom“juma lililopita. Ukurasa huo unawakaribisha wanawake wa ki-Iran kuweka picha zao humo wakiwa wamevalia Hijab, kupinga sheria ya ki-Islam ya Iran inayolazimisha mavazi hayo. Ukurasa huo wenye wafuasi 750, 000, umeonekana kuwa na sura ya harakati za mtandaoni kwa ajili ya wanawake.

Hapa chini kuna video iliyowekwa kwenye ukurasa wake kuonesha hotuba yake ya kupokea tuzo hiyo kwenye Mkutano huo siku ya Jumanne iliyopita: 

Mapendekezo Yanapokelewa kwa Ajili ya Mwezi wa Historia Nyeupe 2015

Likiwa limeandaliwa na blogu ya Africa is a Country [Afrika ni Nchi], tukio la Mwezi wa Historia Nyeupe linajongea mwezi ujao:

Mwezi Machi mwaka jana ndio ulikuwa mwezi wa uzinduzi wa zoezi hilo kwenye blogu hii, na bila kupuliza sana mavuvuzela yetu kw akujisifu, ule kwa hakika ulikuwa ni mwezi mzuri. Tunaahidi kufanya kama tulivyofanya kipindi hicho.

Tutakuwa na mambo kama ngozi ya Kathleen Bomani kutoka Human Skin, Filadefia ya miaka ya 1880 na tutakuwa na mambo mengi, kama vile utawala wa kikatili wa Uingereza kwenye miaka ya 1950 nchini Kenya na hata wakati ule serikali ya Afrika Kusini ilipotuma ujumbe kwenda Marekani kutafuta kujua namna “kuweka nafasi za mahotelini/ndege” kunavyofanyika.

Kama ungependa kushiriki, unatakiwa:

Wasiliana nasi kwa editorial [at] africasacountry [dot] com na tufahamishe kile unachotaka tukiandikie. Angalia kile tulichokiandika mwaka jana kupata wazo la kile tunachokitafuta.

Wachoraji 10 wa Kiafrika wa Vitabu vya Watoto Unaopaswa Kuwajua

Jennifer Sefa-Boakye anasaili orodha ya washindani 10 bora zaidi wa tuzo ya Golden Baobab kwa Wachoraji wa Kiafrika:

Mwaka jana shirika la Afrika lenye makazi yake nchini Ghana, Golden Baobab, liliwatambulisha wachoraji kadhaa wenye vipaji, ambao kazi zao ni kama vile masimulizi ya Ashanti yaliyosukwa kutoka miji ya Moroko na hata wapiga rangi wa ki-Afrika katika vyumba vya kunyolea jijini Durban. Uzinduzi wa tuzo hizo za Glolden Baobab kwa wachoraji wa ki-Afrika ulifanyika mwezi Novemba, na ni moja ya tuzo sita zinazotambua waandishi na wachoraji bora wa ki-Afrika wa vitabu vya watoto wa mwaka.

Vijana wa Naija Wacharuka Kufuatia Shambulizi la Boko Haram huko Bosso na Diffa

Niger youth

Vijana huko Niger – CC-BY-2.0

Kwa mara ya kwanza, Boko Haram kimetekeleza shambulio kwenye mpaka na Naija na vijana wa ki-Naija hakuweza kuvumilia.

Boko Haram walishambulia Bosso na Diffa, miji miwili iliyo kusini mashariki mwa Naija kwenye mpaka wa nchi hiyo na Naijeria lakini walirudishwa nyuma na majeshi ya Chad na Naija. Boko Haram imepoteza zaidi ya wnaamgambo 100 kwenye mapigano hayo lakini mtu aliyejitolea mhanga alijilipua mjini masaa machache baadae, na kuua watu wasiopungua watano. Kijana mmoja wa Naija alisukumwa kujibu mapigo. Wanafunzi wa shule za sekondari jijini Niamey (mji mkuu wa Naija) walikusanyika pamoja na kulaani shambulio hilo nchini mwao, na kwa kutumia lugha ya ki-Hausa, waliunga mkono vikosi vyao vinavyopambana mpakani:

Hospitali Nyingi Nchini Guinea Zafungwa kwa sababu ya Virusi vya Ebola

Conakry General Hospital via Koaci used with permission.

Hospitali kuu ya Conakry. Picha ya Koaci imetumiwa kwa ruhusa.

Wafanyakazi wa tiba nchini Guinea wana hofu kufuatia vifo 28 na kulazwa kwa wafanyakazi 50 tangu Septemba 17. Kuthibiti hali hii, ukosefu wa vifaa vya kinga ni mbaya kiasi kwamba glovu za matibabu zinauzwa kwa bei juu. Kuonyesha hali kati ya wafanyakazi wa huduma, Amadou Tham Camara alindika yafuatato katika Guinea News:

Déjà traumatisé par la mort de six collègues au mois d’avril dernier, le  personnel soignant de l’hôpital sino guinéen de Kipé est dorénavant dans une sinécure paranoïaque : les médecins refusent de soigner. Et tous les jours, ils maudissent le17 mars, ce jour où ils ont reçu ce patient venu de Dabola qui a contaminé neuf de leurs collègues. 

Dans les autres grands hôpitaux nationaux de Conakry, des services entiers ne sont plus ouverts à cause des nouveaux cas d’Ebola détectés. Ainsi, depuis deux semaines, le service de réanimation de l’hôpital Ignace Deen est fermé. Le service gynécologique du même hôpital est barricadé  pour les mêmes raisons. De même la maternité de l’hôpital Donka, la plus grande du pays, ne fonctionne plus. 

Dans ce pandémonium, le paludisme qui reste le premier problème de santé publique en Guinée, avec plus de 30% des consultations, et la première cause de décès en milieu hospitalier(14%), selon l’OMS, a encore de beaux jours pour améliorer ses chiffres macabres. Tout ceci, à cause du silence feutré provoqué par le tintamarre assourdissant  autour d’Ebola.

Tayari wana mshtuko kufuatia vifo vya wenzao sita mnamo mwezi Aprili, wafanyakazi wa huduma wa hospitali ya Mahusiano ya Uchina na Guinea iliyoko Kipé wana hisia tofauti kuhusu kitendo cha madaktari kukataa kutibu wagonjwa. Wao wanashutumu kwamba Machi 17 ndiyo siku waliopata mgonjwa kutoka Dabola aliyeambukiza wenzao tisa.

Idara nzima ni imefungwa katika hospitali nyingine za kitaifa za Conakry kutokana na matukio mapya ya Ebola kuripotiwa. Kitengo cha wagonjwa mahututi cha Ignace Deen kimemefungwa kwa muda wa wiki mbili na idara ya magonjwa ya wanawake ya hospitali hii kwa sasa imewekwa kizuizi. Hospitali ya uzazi ya Donka, ambayo ndiyo kubwa nchi humo, haina tena huduma.

Malaria bado tatizo kubwa kwa afya ya umma nchini Guinea inayohudumia zaidi ya asilimia 30% ya rufaa na ndiyo chanzo cha vifo hospitalini hapo kwa mujibu wa shirika la afya duniani. Hali hii inaweza kufanya takwimu hizi za kutisha kuwa mbaya zaidi. Hofu ya Ebola imefanya watu wawe kimya.

Kupambana na Utapiamlo Nchini Rwanda Kupitia Muziki

Wanamuziki maarufu wa Rwanda King James, Miss Jojo, Riderman, Tom Close, and Urban Boyz walijiunga na mapambano dhidi ya utapiamlo nchini Rwanda kupitia video ya muziki kwenye mtandao wa YouTube. Video hiyo pia inapatikana kwa maandishi ya Kiswahili .