Unaona lugha zote hapo juu? Tunatafsiri habari za Global Voices kufanya habari za kidunia zimfikie kila mmoja.

Habari kutoka Muhtasari wa Habari

‘Escopetarra': Chombo cha Kipekee

Kama unaamini kuwa hakuna jambo zuri linaloweza kutokana na bunduki aina ya gobore, basi unapaswa kukifahamu kifaa kiitwacho “escopetarra”— mchanganyiko uliotokana na kubadilisha silaha mbili “hatari” (an AK-47 na gitaa) na kuwa kifaaa cha amani. “Escopetarra” ni neno lililotokana na muunganiko wa maneno ya Kispaniola, “escopeta” (bunduki) na “guitarra” (gitaa).

Kwenye podikasti yake katika lugha ya Kispaniola, mwanamuziki wa Colombia, César López anazungumzia namna alivyokibuni chombo hiki tokea alipopata wazo hadi kwenye mambo yote ya kiufundi aliyokabiliana nayo, pamoja na sauti ya chombo hiki.

Duniani kuna silaha nyingi sana aina ya AK-47s kuliko aina nyingine yoyote, na inashangaza kwa namna silaha hii ilivyo nafuu kuitengeneza. Inakadiriwa kuwa kuna idadi ya AK-47 zinazokadiriwa kufika milioni 35-hadi-50, na bila kuhesabu zile zinazotengenezwa kinyemela kila mwaka.

“Primero, el AK 47 es el arma que más muertos le ha causado al planeta Tierra en toda su historia. Es el arma que se ha usado en Sudáfrica, Medio Oriente, Centro América, en Colombia”, dijo López en entrevista con la cadena estadounidense Univision.

“Awali ya yote, AK-47 ndiyo silaha iliyosababisha idadi kubwa zaidi ya vifo kuliko silaha nyingine yoyote duniani. Inatumika Afrika ya Kusini, Mashariki ya Kati, Amerika ya Kusini, na pia Colombia.”, alisema López katika mahojiano na Mtandao wa Televisheni ya Marekani,Univision.

Un
“Escopetarra” ya kwanza ilitengenezwa mwaka 2003 kwa kutumia bunduki aina ya Winchesta  pamoja na gitaa la umeme aina ya Stratokasta . Kinachofanyika ni kuwa, bunduki hufumuliwa kwa namna ambayo haiwezi kuchukuliwa tena kama silaha na wala kutumiwa kwa matumizi ya namna hiyo.

Hadi sasa, kuna takribani “escopetarra” 20 ambazo zimeshakabidhiwa kwa wanamuziki mashuhuri pamoja na viongozi wa kimataifa wanaotetea amani ikiwa ni pamoja na bendi ya Colombia inayofahamika kama, Aterciopelados, mwanamuziki wa Argentina, Fito Páez, pamoja na UNESCO.

Baada ya Maandamano Burkina Faso na Burundi, Naija na Togo Zinafuata?

Protests in Niamey, Niger via Abdoulaye Hamidou on twitter (with his permission)

Maandamano mjini Niamey, Naija kupitia kwenye ukurasa wa Abdoulaye Hamidou kwenye mtandao wa Twita (kwa ruhusa yake)

Wanaija 20,000 wameingia mitaani mjini Niamey, Naija mnamo Juni, 6. Kuna ababu nyingi za maandamano hayo: umaskini uliokithiri, utawala mbovu na kubanwa kwa uhuru wa kujieleza yakiwa ni moja wapo ya malalamiko ya asasi za kiraia nchini humo. Maandamano kama haya yalitokea katika nchi za Burkina Faso, Burundi na Togo. Serikali iliachia ngazi nchini Burkina Faso wakati uchaguzi ukiahirishwa nchini Burundi. Mwezi Mei, wananchi wa Lome waliandamana kupinga matokeo ya urais  yaliyompa ushindi rais Faure Gnassingbe aliyeshinda kwa muhula wa tatu.

Kuhusu Uamuzi wa Mahakama wa Haki ya Kusaidiwa Kufa Nchini Afrika Kusini

Profesa Pierre de Vos anaingia rasmi kwenye mjadala mkali kuhusu uwezekano wa kumsaidia mtu kufa nchini Afrika Kusini baada ya Mahakama Kuu nchini humo kuamua kwamba mtu anayekufa ana haki ya kusaidiwa kufa na daktari ili aweze kuyahitimisha maisha yake:

Ni muhimu kuona kwamba hukumu hii haimlazimishi mtu kuyakatisha maisha yake au kumsaidia mtu kufanya hivyo. Hilo bado linabaki kuwa uamuzi wa mtu binafsi. Hukumu hii inaweka msisitizo wa sheria ya makosa ya jinai (au, ningeongeza, sheria ya maadili ya Baraza la Watumishi wa Sekta ya Afya Afrika Kusini [HPCSA] kwamba haiwezekani kutekeleza jambo lolote lililo kinyume na misimamo ya kidini au kimaadili kwa mtu yeyote. Hata hivyo, hayo haiwalazimishi wale wenye imani hizo kuweza kuvunja imani zao wenyewe.

Zaidi, kama Mahakama ya Katiba itapitisha hukumu hiyo basi itafaa kwa Bunge kupitisha mfumo utakaowalinda wagonjwa. Bila sheria hizo mgonjwa atapaswa kwenda mahakamani kupata ruhusa ya kusaidiwa kufa.

ISIS Yashambulikia Kwa Mara Nyingine Msikiti wa Shia Nchini Saudi Arabia

kwenye dawati lakuthibitisha habari la Global Voices, mradi unaoendeshwa kwa ushirikiano kati ya Meedan Checkdesk, zana ya mtandaoni ya kufuatilia habari, na Global Voices Online, Joey Ayoub anaonesha miitikio ya awali kabisa kuhusu kupigwa bomu kwa msikiti wa pili wa Shia huko Dammam, Jimbo la Mashariki mwa Saudi Arabia, siku ya Ijumaa.

Watu watatu wameuawa kwenye shambulio hilo la kujitoa mhanga, na Walayat Najd, tawi la ISIS nchini Saudi Arabia, limedai kuhusika, na watu kumi wamejeruhiwa.

Mnamo Mei 22, mtu aliyekuwa na bomu alijilipua kwenye msikiti wenye watu wengi huko Al Qadih, kwenye jimbo la Qatif, na kuua watu wasiopungua 21, ikiwani pamoja na mtoto, na kujeruhi wengine 120, kwenye shambulio baya kuwahi kuonekana katika kipindi cha miaka kumi nchini Saudi Arabia.

Mwezi Novemba, watu nane waliuawa huko Al Ahsa, kwenye jimbo la Mashariki, baada ya wanamgambo kushambulia kituo cha kijamii kinachomilikiwa na Shia, mahali ambapo sherehe ya kidini ilikuwa ikiendelea.

Mjamzito wa Miaka 11 Agoma Kutoa Mimba Nchini Uruguay

Kugoma kwa mjamzito wa miaka 11 kutoa mimba kumesababisha utata.

Hivi karibuniTuliandika kuhusu msichana wa miaka 10 aliyekuwa mjamzito nchini Paraguay kwa kudaiwa kubakwa na baba yake wa kambo na namna alivyoshindwa kutoa mimba hiyo kwa sababu sheria za nchi hiyo zinazuia utoaji wa mimba. Sasa, nchini Uruguay, ambako utoaji wa mimba unaruhusiwa ndani ya majuma 12 ya mwanzo ya ujauzito, tukio la msichana wa miaka 11 aliyegoma kutoa mimba limeishangaza nchi.

Msichana huyu, anayesemekana kuwa na ulemavu wa akili, alibakwa na babu wa dada yake wa kambo mwenye miaka 41. Mwanaume huyu kwa sasa yuko kizuizini na anashitakiwa kwa makosa ya ubakaji, wanasema maafisa wa Uruguay walipozungumza na Agence France-Presse.

Wanafamilia, madaktari, mashirika ya kijamii, na vyombo vya habari vimemshawishi msichana huyu kuitoa mimba hiyo. Wameishinikiza serikali kujaribu kumlazimisha kufanya hivyo, kwa mujibu wa jarida la Pangea Today. Majibu, hata hivyo, hayajawaridhisha:

“Hakuna hatari yoyote kwa maisha yake wala mtoto, kwa hiyo hatuwezi kumlazimisha kutoa ujauzito huo,” mkurugenzi wa INAU, Monica Silva, alisema.

Lugha za Pili Zinazoongozwa Kuzungumzwa Zaidi Afrika

Don Osborne anajadili habari iliyowekwa kwenye tovuti ya Chuo Kikuu cha Olivet Nazarene ikionesha ramani ya “Lugha za pili kuzungumzwa zaidi duniani.” Anaeleza matatizo makuu kutokana na habari hiyo:

Suala la kwanza ni kudhani kwamba “lugha inayozungumzwa zaidi kwenye nchi yoyote huwa wazi; mara nyingi, ni lugha ya taifa husika.” Barani Afrika hali ni tofauti, kama kusema “lugha inayozungumzwa zaidi” maana yake ni kuhesabu idadi ya wazungumzaji. Kwa mfano nchini Mali, ambapo hali ya lugha iliangaziwa kwenye blogu hii katika kutazama uzungumzaji wa lugha – Kibambara kinaonekana kuwa lugha maarufu kuliko hata lugha rasmi ya Kifaransa.

Lugha rasmi si kigezo kinachoaminika katika kupima umaarufu wa lugha barani Afrika, zaidi ya mukhtadha (muhimu) wa matumizi rasmi na umaarufu wake. Kwa mifano ya nchi hizo mbili, kuna masuala mawili yanajitokeza:

•Afrika Kusini inazo lugha 11 rasmi (tovuti ya Olivet imetaja Kizulu pekee kuwa lugha rasmi). Kwa hiyo moja wapo ya lugha rasmi inakuwa lugha ya pili kuzungumzwa. Pengine lugha hiyo inaweza kuwa ki-Xhosa kama inavyooneshwa, lakini mtazamo wa kutumia lugha rasmi kama kigezo hauonekani kufanya kazi katika mazingira haya.

•Rwanda ina lugha tatu rasmi (Kinyarwanda, Kifaransa, na Kiingereza), na Jamhuri ya Afrika ya kati inazo mbili (Ki-Sango na Kifaransa). Kwa sababu tovuti haijazingatia lugha hizi rasmi katika kujadili lugha za pili zinazozunguzwa zaidi, imejikuta ikidai kwamba Kiswahili ni lugha ya pili kuzungumzwa zaidi nchini Rwanda, na kwamba lugha za asili ndizo zinazotumika zaidi nchini Jamhuri ya Afrika ya Kati – jambo ambalo halitoi taswira halisi.

Soma sehemu ya pili ya hoja zake hapa.

Tunayoyajua na Tusiyoyajua Baada ya Jaribio la Mapinduzi Nchini Burundi

Shangwe na vifijo karibu na ikulu ya Rais nchini Bujumbura baada ya kupinduliwa kwa Nkurunzisa.

Kufuatia nia ya kugombea urais kwa kipindi cha tatu ya Rais wa Burundi aliye madarakani Nkurunziza, Jenerali Godefroid Niyombare alitangaza kwamba utawala uliopo umeangushwa rasmi na kwamba anatwaa madaraka mpaka itakapotangazwa vinginevyo. Serikali ilikanusha mapinduzi hayo kutokea na iliyaita “upuuzi”. Hali bado inaonekana kuwatete nchini Burundi, lakini hapa ni mhutasri wa kile kinachofahamika na kile kisichoeleweka vyema jijini Bujumbura, mji mkuu wa Penelope Starr (kupitia blogu ya UN Dispatch):

Rais Nkurunziza haikuwa nchini wakati mapinduzi yakitangazwa (lakini hakuna anayejua ikiwa amerudi au bado) : Rais alikuwa akihudhuria Mkutano wa Wakuu wa Nchi za Afrika Mashariki wakati mapinduzi hayo yakitangazwa. Amejaribu kureje kwa ndege jijini Bujumbura lakini haijulikani kama alifanikiwa.

Huu si mgogoro (tu) wa kikabila :

Nkurunziza na Jenerali Niyombare wote walikuwa viongozi wa waasi wa Ki-Hutu. Zote wako kwenye serikali ya chama hicho hicho, na Niyombare alikuwa balozi wa Kenya na mkuu wa ujasusi, nafasi ambayo alinyang'anywa mwaka huu.

Kama ilivyokuwa kwa Burkina Faso mapema mwaka huu, maoni ya wananchi nchini Burundi yanaonekana kuunga mkono mapinduzi ya kijeshi kama namna moja ya kupinga watawala wa Kiafrika wanaotaka kutawala milele:  

Kiel kinacotokea leo Burundi ni mapaki ya kile kilichotokea mwishoni mwa mwaka jana nchini Burkina Faso, wakati mkuu wa nchi aliyetawala muda mrefu Blaise Compaore alipong'olewa madarakani na jeshi  baada ya kutangaza dhamira yake ya kugombea tena kipindi kingine cha utawala. Wakati hali nchini Burkina Faso bado haijatengemaa, hatua hiyo ilikuwa ya muhimu, kwa sababu wananchi waliunga mkono mapinduzi hayo, kwa sababu ya kuchoka utawala wa miongo kadhaa wa Compaore(..)lakini hali nchini Burundi ni tofauti kidogo, hususani kwa kurejea historia ya vita ya wenyewe kwa wenyewe nchini humo iliyokwisha mwaka 2005.

Timu ya Uokoaji ya Mexico Yaomba Michango Iende Kusaidia Nepal

Michango inahitajika mara moja kwa waokoaji 25 kwa njia ya paypal: donativos@brigada-rescate-topos.org CLABE Santander:01418092000709294 simu.5554160417 #ToposANepal (Topos to Nepal)

Kikosi cha Uokoaji Topos México Tlatelolco kimeanza kampeni ya kuomba michango ili kuweza kuungana na jitihada za uokoaji zinazoendelea baada ya tetemeko lenye ukubwa wa 7.8  kuitikisa Nepal Jumamosi iliyopita, na kukatisha maisha ya watu zaidi ya 4,000 na wengine 7,000 wakijeruhiwa.

Kundi hili lilizaliwa wakati watu wanaojitolea kujitokeza kusaidia baada ya tetemeko lililoikumba Mexico mwaka 1985. Kundi hilo zamani lilikuwa likiratibiwa na asasi ya kiraia kwa zaidi ya miongo mitatu tangu mwezi Februari 1986, na kimesaidia jitihada za uokoaji kwenye majimbo ya Tabasco, Chiapas, Oaxaca, Jimbo la Mexico, Veracruz na Mexico City, yote yakiwa nchini Mexico na kwenye nchi nyinginezo duniani ikiwa ni pamoja na Haiti, Indonesia, El Salvador na Chile.

Topos México hawapokei malipo yoyote kwa kazi zao ka sababu kazi zao zinafanyika kwa mtindo wa kujitolea. Nyakati nyingi, serikali za mitaa au serikali kuu ya shirikisho nchini Mexico huwalipia gharama za usafiri na nchi wanazokwenda huwapatia visa na kuwawekea mazingira ya kufika kwenye eneo la tukio..

Video ifuatayo inaonesha mhutasari wa kazi za Topos.

Je, Blogu Zinaelekea Kutoweka?

Makala haya ni sehemu ya 46 ya #LunesDeBlogsGV (#JumatatuYaBloguGlobalVoices) siku ya Machi 23, 2015.

Kwenye #LunesDeBlogsGV (#JumatatuyaBloguGlobalVoices), tunajitahidi kuzitunza blogu mithili ya “viumbe wanaoelekea kutoweka”, kwa kushughulikia changamto zinazokabili uwepo wa blogu kwenye ulimwengu wa kidijitali. Jitihada kama hizi zinamfanya mwanablogu Iván Lasso kuchambua mustakabali wa kublogu na matatizo yanayowakabili wanablogu leo, wakati ambao maudhui yao yanakuwa kwenye hatari kubwa ya kupotea kufuatia wingi wa aina na ubora wa viwango vya taarifa zinazopatikana kwenye mtandao wa intaneti. Hali wanayoendelea kukumbana nayo wanablogu mtandao, Lasso anasema, inakaribiana na ile ya “Daudi na Goliathi”.

Lasso anazungumzia suala kubwa kwa wanablogu leo:

A raíz de la popularización de la web, de unos años para acá hay mucha más audiencia potencial disponible. Pero sospecho que gran parte de esa audiencia nunca podría ser tuya (tuya, mía… de blogs pequeños, vamos). Es audiencia que acude a la red en busca de simple entretenimiento y que si quiere información más “dura”, acude a los medios tradicionales que ahora ya están en la web.

Katika miaka ya hivi karibuni, kutokana na kuongezeka kwa matumizi makubwa ya Mtandao, kuna hadhira kubwa ya wasomaji inayofikika. Lakini nina wasiwasi kwamba hadhira hii inaweza isimsaidie mwanablogu. Sababu ni kwamba hii ni hadhira inayokuja mtandaoni kutafuta habari nyepesi za burudani na wanapohitaji taarifa ‘muhimu’, wanazitafuta kwenye vyombo vikuu vya habari ambavyo navyo vinapatikana mtandaoni.

Lasso anatoa ufumbuzi kwa changamoto hizi wanazokabiliana nazo wanablogu:

Hoy día, para que un blog independiente alcance un cierto grado de éxito (reconocimiento, reputación y visitas) debe convertirse en un rayo láser que apunte a aquello en lo que quiere destacar:
¿Quieres dar noticias? Tienes que darlas lo antes posible, más rápido que nadie.
¿Quieres hacer análisis u opinión? Tienes que profundizar más que nadie.
¿Quieres ser didáctico? Tienes que explicar mejor que nadie. Y también con más detalle que nadie.

Siku za leo, kwa blogu huru kuwa na mafanikio ya kiasi fulani (kutambuliwa, heshima, na hata kutembelewa), lazima ujifunze kujua wasomaji wanahitaji nini na ukizingatie:

  • Unataka kutoa habari kupitia blogu yako? Zitoe mapema kadri inavyowezekana, mapema kabla hazijaonekana kwingineko.
  • Unataka kufanya uchambuzi na kutoa maoni yako? Nenda ndani zaidi kuliko wengine.
  • Unataka kutoa elimu? Elezea mambo kwa ufasaha kuliko wengine. Na zungumzia masuala mahususi yanayowagusa watu.

Endelea kusoma makala ya Ivan Lasso hapa, na mfuatilie kwenye mtandao wa Twita.

 Hii ni sehemu ya 46 ya #LunesDeBlogsGV (#JumatatuYaBloguGlobalVoices) mnamo Machi 23, 2015.

Magazeti Maarufu Iran Yataka Kusitishwa kwa Mashambulio ya Anga Nchini Yemen

Magazeti mawili yenye umaarufu mkubwa leo katika kurasa za mbele yalihanikizwa kwa habari za kushindwa kwa Saudi Arabia. Habari zili zimetokana na tangazo la Saudi Arabia la kusitisha mashambulizi ya anga dhidi ya Yemen mapema Jumanne hii. Kayhan, gazeti lililo na uhusiano na kiongozi mkuu wa Kidini, Ayatollah Khamenei, katika ukurasa wake wa mbele lilichapisha picha ya kijana wa Yemen wa Kihouthi akiwa amekalia kitu ambacho kilionekana kama mabaki ya roketi yaliyotokana na mashambuli ya anga ya ndege za kivita za Saudi Arabia dhidi ya wapiganaji wa Houthi. Kichwa cha habari kinasomeka, “Wapiganaji wa Yemen wa Ansar Hezbollah waidhalilisha Israel na Marekani.” Nchini Iran, Wahouthi wa Yemen kwa kawaida hujulikana kwa jina la Ansar Hezbollah”.

Kayhan news reacts on its Thursday April 23, 2015 frontpage to the end of Saudi airstrikes.

Gazeti la Kayhan likiwa na maoni kupitia ukurasa wake wa mbele wa tarehe 23 Aprili, 2015 kufuatia Saudi Arabia kutangaza kusitisha mashambulizi ya anga nchini yemen.

Vatan Emrooz, gazeti jingine lenye msimamo mkali lilikisimamia kidete chama cha ‘Peydari Front,’ ambacho ni chama cha kisiasa kilicho na uhusiano na walinzi wa kiuanamapinduzi na majeshi ya Basij katika ukurasa wake wa mbele lilichapisha picha ya kutengenezwa iliyokuwa inamuonesha Mfalme wa Saudi Arabia akiwa ameanguka kwenye kifusi cha jengo lililoharibiwa na ikiwa na maneno, “Pumzi ya Saudi imekufa!”. Unaposema pumzi ya mtu imekufa, huu ni msemo maarufu wa kiajemi unaoonesha kushindwa kwa mtu. Maelezo ya chini yanasema, “Kampeni ya ‘Kimbunga Yakinifu’ yamalizika mara baada ya siku 27 za uhalifu na mauaji ya vichanga na bila ya kufikia hata moja ya matazamio yake”

Vatan-e Emrooz

Gazeti la Vatan Emrooz likiwa na maoni yake ukurasa wake wa mbele wa tarehe 23 Aprili, 2015 kufuatia Saudi Arabia kutangaza kusitisha mashambulizi ya anga nchini yemen.

Fuatilia habari za Yemen katika Global Voice hapa.

Angalizo Kutoka kwa Mwandishi: Huu siyo uchambuzi kamili wa vyombo vya habari vya nchini Iran. Kuvitazama vyanzo vya habari vilivyo na msimamo mkali kama vile Kayhan au Vatan Emrooz kunafanana na kufuatilia Fox News nchini Marekani.

Wanawake Wanaovaa Nusu Uchi Wataiokoa Sekta ya Utalii Kenya?

Je, kutembea uchi yanaweza kuwa mbinu bora ya kufufua sekta ya utalii nchini Kenya kufuatia mashambulizi ya wanamgambo wa Al Shabaab?:

Seneta mteule, Mbura anasemekana kuwaomba wanawake katika mkoa wa pwani kutembea nusu uchi ili kuwavutia watalii zaidi kuzuru eneo hilo. Wito huo umeibua maswali kuhusiana na thamani ya mwanamke wa pwani. Je, ndicho anachostahili kuwa – chombo cha biashara?

Kwa nini Tarakimu 64, 89 na 535 Hazipatikani Kwenye Mtandao wa Intaneti China?

Leo ni Juni 4, maadhimisho ya 26 ya maandamano ya kudai demokrasia ya Tiananmen mwaka 1989.

Katika miaka ya hivi karibuni, baadhi ya tarakimu zimepotea kwenye mtandao wa Intaneti nchini China kwa sababu ya udhibiti wa taarifa. Tarakimu hizi ni 64, 89 na 535 —zenye kuunganisha kupata Mei 35, namna maarufu yakukumbuka siku ya Juni 4. Tarakimu hizo hazitafutiki kwenye tovuti za kutafutia taarifa na haziwezi kuonekana kwenye mitandao ya kijamii.

Mchora katuni za kisiasa Biantailajiao, kupitia mtandao wa twita, alionesha namna hiyo ya kijinga ya kujaribu kufuta historia:

Kama inawezekana, wanaweza kuifuta kabisa tarehe hii kwenye kalenda.

Ramani Hizi Zaonesha Mahali Walipotesewa na Kuuawa Wanahabari wa Kambodia

harassment_of_media_cambodiaKituo cha Haki za Binadamu cha kambodia kimezindua jarida linaloelezea ukiukwaji wa haki za binadamu unaofanywa kwa waandishi wa habari nchini Kambodia. Katiba ya nchini Kambodia inatoa uhuru wa kupashana habari lakini wanahabari wanazidi kunyanyaswa na kuuawa, hususani kwa waandishi wanaopasha habari kuhusiana na ukiukwaji wa maadili unaofanywa na maafisa wa serikali pamoja na upashaji habari wa masuala ya kibiashara yanayohusishwa na viongozi wakubwa serikalini.

Je, Saudi Arabia Imelishambulia Bwawa la Kale la Marib Nchini Yemen?

Kuna taarifa zisizodhibitishwa zinazosema kwamba vikosi vya pamoja vya Kisaudi, ambavyo vimekuwa vikiishambulia Yemen kwa mabomu kwa zaidi ya miezi miwili sasa vimelilenga Bwawa la Marib, moja wapo ya maajabu makuu ya katika ulimwengu wa ubunifu wa kale wa kiufundi.

Kwenye mtandao wa Twita, Hussain Albukhaiti anadai:

Taarifa zisizothibitishwa: Ndege za kijeshi zimeshambulia bwawa la Mariba

Akijibu twiti hiyo, Albukhaiti anaweka picha za bwawa hilo linalokadiriwa kujengwa katika karne ya nane kabla ya Kristo na linasemekana kuwa bwawa la zamani zaidi duniani:

Uharibifu wa Bwawa la Mariba limejengwa karne ya nane (KK) na limelengwa na ndege za kijeshi za Kisaudi

Kiwango cha uharibifu wa miundo mbinu na historia ya Yemeni bado hakijajulikana. Tunaendelea kukusanya taarifa na vyanzo zaidi viko hapa kuhusu tukio hilo kwenye dawati la Global Voices Uthibitisho, mradi unaowezeshwa kwa ushirikiano na Meedan Checkdesk, zana ya mtandaoni ya uthibitisho wa habari, pamoja na Global Voices Online.

Unaweza kuacha maoni yako hapa kuchangia dondoo kuhusu habari hii au hata kuungana na timu yetu ya habari.

Uchaguzi wa FIFA Unaendelea

Pamoja na kutiwa nguvuni kwa maafisa kadhaa wa FIFA kufuatia mashitaka yaliyofunguliwa na Wizara ya Sheria ya Marekani, chombo hicho kinachosimamia kandanda duniani kimesema kwamba uchaguzi wake, ambao utaunda baraza la 65 la FIFA, utaendelea kama ulivyopangwa hivi leo. Rais wa FIFA aliye madarakani Sepp Blatter, ambaye ameongoza chombo hicho katika kipindi cha miongo miwili inayodaiwa kugubikwa na ufisadi, rushwa na fedha haramu, anatafuta kuchaguliwa kwa muhula wa tano kwenye baraza la leo. Blatter amegoma kujiuzulu pamoja na kuzungukwa na tuhuma, pamoja na mashinikizo yanayomtaka aachie ngazi.

Unaweza kufuatilia matangazo ya moja kwa moja ya uchaguzi wa FIFA hapa.

Je, Utoaji wa Mimba Unaweza Kujadiliwa Kwenye Treni za Medellín?

Wakazi wa jiji la Medellín, Colombia, wanajiuliza kama treni inaweza kuwa eneo la kuzungumzia masuala ya utoaji mimba, kutokana na tangazo la kampeni ya #ladecisiónestuya (uamuzi ni wako) inayoendeshwa kwa mifumo mbalimbali ndani ya vyombo vya usafiri wa umma, hasa magari, kama inavyosimuliwa na mtumiaji wa twita aitwaye Jaime Andrés (@JAIM3_ANDR3S):

Uamuzi ni Wako pic.twitter.com/Nbaq2zJHXn

— Jaime Andrés (@JAIM3_ANDR3S) May 26, 2015

Uamuzi ni Wako

Kampeni hiyo inaendeshwa na shirika lisilo na kiserikali linalotoa huduma za afya ya uzazi, ikiwa na ujumbe “kutolewa kwa mimba 3980,000 isiwe kosa la jinai.”

Kwa kutumia alama ishara ya #Abortonoesculturametro (Utoaji Mimba si Utamaduni wa Ndani ya Treni) kwa kurejea sheria mbalimbali zinazoongoza treni za Medellín zinazoitwa “Cultura Metro” (Utamaduni wa Metro), watu wamekuwa wakiadili maoni kuunga mkono au kupinga utoaji mimba, kwa namna ile ile kama mifumo ya sauti kwenye magari inavyotumika kila siku kutuma ujumbe na habari nyingine za picha.

‘Kulea Mtoto Ukiwa Mtoto': Idadi Kubwa ya Mimba za Utotoni Nchini Venezuela

Desireé Lozano, anayeblogu kwenye blogu ya Voces Visibles, anatoa mwito kwa ongezeko kubwa la mimba za utotoni nchini Venezuela, ambapo asilimia 25 ya mimba ni za vijana, na kukosekana kwa sera sahihi za kudhibiti tatizo hili na matokeo yake. Takwimu za Venezuela zinaonesha kwamba nchi hiyo ina idadi kubwa ya mimba za utotoni barani Amerika ya Kusini na imekua ya kwanza kwa miaka miwili iliyopita.

Vifo vya watoto ni suala kuu linalohusiana moja kwa moja na mimba za utotoni. Desiree anamtolea mfano Dinorah Figuera, makamu wa rais wa Kamati ya Bunge inayoshughulika na Familia aliyesema kwamba wajibu wa serikali ni kuzuia mimba hizo:

“Una de esas consecuencias es que las madres adolescentes son mujeres que pierden oportunidades para desarrollarse desde el punto de vista profesional y aceptan cualquier tipo de trabajo para tener algún tipo de ingresos. Por esta razón el Estado debe aplicar una gigantesca campaña de concientización para la prevención del embarazo adolescente”, señala la diputada venezolana

“Matokeo moja wapo ya kuwa mama katika kipindi cha utoto ni mwanamke kukosa fursa za kujiendeleza kitaaluma, na hivyo kujikuta akifanya kazi yoyote ile kujipatia kipato. Kwa sababu hii, serikali lazima ifanye kamepni kuba kuzuia mimba za utotoni,” alisema.

Kwa nyongeza, mimba za utotoni zinachangia kuongezeka kwa umasikini wa kipato kwa wanawake. Zaidi, hali hii inaleta hatari kwa afya ya mama, hatari kubwa kuliko kawaida. Kwenye makala yake, mwandishi anakusanya matamshi mbalimbali ya wataalamu kuhusu suala hilo na hivyo kutoa mwanga kuhusiana na tatizo hilo.

Endele kusoma kazi za Desireé Lozano na Voces Visibles hapa au kwenye mtandao wa Twita.

Makala haya ni ya 46 kwenye mfulululizo wetu wa #LunesDeBlogsGV  (Jumatatu ya Blogu GV) mnamo Aprili 13, 2015.

Swali: Wapiganaji Wangapi wa Jihadi Wana Historia ya Jeshi?

Kwa kutumia dondoo kutoka kwenye ripoti ya Der Spiegel kuhusu watu walionyuma ya muundo wa ISIS, mwanablogu wa Palestina Iyad El-Baghdadi anatwiti:

Baada ya habari ya Spiegel kuhusu watu walio nyuma ya uongozi wa ISIS – nimejiuliza wapiganaji wa Jihadi wangapi wana historia ya jeshi?

Der Spiegel anamtaja Iraqi Samir Abd Muhammad al-Khlifawi, aliyeuawa huko Tal Rifaat in Syria mwezi Januari 2014, kuwa ndiye “moyo” wa ISIS, tawi la Al Qaeda ambalo limekuwa na udhibiti wa nchi kama Iraq na Syria, wakiacha hofu, vifo na uharibifu sehemu mbalimbali. Inasema kwamba al-Khlifawi alikuwa kornel wa zamani kwenye kitengo cha ujasusi katika jeshi la ulinzi wa anga enzi za utawala wa Saddam Hussein.

El-Baghdadi anaongeza:

Kamandi kuu ya ISIS ina mafisa wa zamani wa Jeshi la Iraq; nchini Libya maafisa wa zamani wa jeshi la Gaddafi ndio wanaunga mkono ugaidi huu…

Anaeleza:

ISIS nchini Misri (Sinai) pia ina maafisa kadhaa wa zamani wa jeshi la Misri; Mkuu wa Ansar Bayt al Maqdis ni komandoo wa zamani wa jeshi la Misri


Hakiki taarifa hizi:

Tusaidie kufuatilia na kuhakiki habari hizi kuhusu wakuu wa ISIS wenye histori ya jeshi kwenye dawati letu la kuhakiki utaarifa la Global Voices hapa.

Filamu ya Malawi Yawasaidia Wakulima Kujikinga na Mabadiliko ya Tabia Nchi

Filamu ya “Mbeu Yosintha” ilitengenezwa kuwasaidia wakulima na wanavijiji kujikinga na madhara ya mabadiliko ya tabia nchi, hususani kubadilika kwa majira ya mvua kwenye ukanda wa Afrika Kusini Mashariki. Filamu hiyo ni tamthlia inayowatumia wasanii wa ndani ya nchi hiyo na iliandaliwa na mwandishi wa Kimalawi Jonathan Mbuna baada ya utafiti wa kina uliofanywa na Asasi Sizizo za Kiserikali zinazojishughulisha na kilimo nchini Malawi.

Kulinda Taarifa Binafsi Nchini Ajentina Bado Kuna Safari Ndefu

Cloud Computing - Photo by Quinn Dombrowski on Flickr. (CC BY-NC-SA 2.0).

Ulinzi wa taarifa za kompyuta – Picha na Quinn Dombrowski kwenye mtandao wa Flickr. (CC BY-NC-SA 2.0).

Kwenye makala iliyoandikwa kwa ajili ya gazeti la mtandaoni Haki za Kidijitali: Amerika Kusini & Visiwa vya Caribbean, No.21Mmwanasheria wa ki-Ajentina Valeria Milanés anaeleza kwamba hata kama Marekani ni kiranja wa dunia kwenye kuchakata taarifa (data), bado haina sheria ya kulinda taarifa za watu. Marekani pia inachukuliwa kama nchi yenye “kiwango kisichofanana cha ulinzi kwenye viwango vya kitaifa na kimataifa.”

Bahati mbaya, katika bara la Amerika Kaskazini na nchi nyingine, mabadiliko ya teknolojia yamezidi kwa mbali kutengenezwa kwa sheria zinazodhibiti matumizi yake. Milanés anaeleza hali ilivyo nchini Ajentina na kuitaja Kurugenzi ya Taifa ya Kulinda Taarifa za watu na Sheria ya Taarifa Binafsi, D.N.P.D.P., (Sheria 25.326 na 26.343), ambayo ni kati ya “masuala muhimu zaidi ya ulinzi wa taarifa.” Tatizo ni utekelezaji wake:

…en 2012, y luego de doce años de funcionamiento, la D.N.P.D.P. tenía registradas 20.000 bases de datos, contra 1.600.000 que tenía registradas a la misma fecha y en similar plazo la Agencia Española de Protección de Datos.

…mwaka 2012, baada ya miaka kumi na mbili ya utekelezaji, taasisi ya D.N.P.D.P. imeandikisha ‘database’ 20,000, ukilinganisha na ‘database’ 1,600,000 zilizoandikishwa katika kipindi hicho hicho na Wakala wa Ulinzi wa Taarifa nchini Uhispania.

Milanés anasema kwamba mfumo wa kulinda taarifa kwenye kompyuta unaleta changamoto mpya:

…las grandes empresas multinacionales prestadoras de los servicios de nube pública se caracterizan por utilizar contratos de adhesión, que por lo general no contienen las especificaciones requeridas en la ley 25.326 y en los que hasta la ley aplicable y jurisdicción prefijada corresponde al país en los que estas empresas tienen sus domicilios legales –por lo general, ciudades de Estados Unidos–. Es más, inclusive los servidores en los que se almacena la información pueden no encontrarse en Argentina.

…lwatoa huduma wakubwa wa kimataifa wanaolinda taarifa za watumiaji wnaafahamika kwa kuheshimu mikataba, ambayo mara nyingi huwa na masuala mahususi yenye misingi ya Sheria 25.326 na ambayo sheria zinazotumika na mamlaka ya kisheria ni yale ya nchi ambazo makampuni hayo yanatoka, na mara nyingi ni miji ya Marekani. Zaidi, hata vifaa vya kuhifadhia taarifa [servers] mara nyingi hazipo nchini Ajentina

Kwa hiyo, uzoefu wa wa-Ajentina hautofautiani na ule wa nchi nyingine kwenye ukanda wa Amerika Kusini, pamoja na kuwa na sheria za kulinda taarifa binafsi na makampuni bado safari ni ndefu.

Milanés anahitimisha kwa kusema kwamba suala hili linahitaji “kuchukua hatua za utekelezaji adhubuti unaoendana na sheria za sasa na kutumika kwa mifano bora ya kibiashara inayoruhusu, kwa kiasi kikubwa, faragha ya taarifa binafsi na kutoa uhakika wa usalama unaotakikana.”