Unaona lugha zote hapo juu? Tunatafsiri habari za Global Voices kufanya habari za kidunia zimfikie kila mmoja.

Timu ya Uokoaji ya Mexico Yaomba Michango Iende Kusaidia Nepal

Michango inahitajika mara moja kwa waokoaji 25 kwa njia ya paypal: donativos@brigada-rescate-topos.org CLABE Santander:01418092000709294 simu.5554160417 #ToposANepal (Topos to Nepal)

Kikosi cha Uokoaji Topos México Tlatelolco kimeanza kampeni ya kuomba michango ili kuweza kuungana na jitihada za uokoaji zinazoendelea baada ya tetemeko lenye ukubwa wa 7.8  kuitikisa Nepal Jumamosi iliyopita, na kukatisha maisha ya watu zaidi ya 4,000 na wengine 7,000 wakijeruhiwa.

Kundi hili lilizaliwa wakati watu wanaojitolea kujitokeza kusaidia baada ya tetemeko lililoikumba Mexico mwaka 1985. Kundi hilo zamani lilikuwa likiratibiwa na asasi ya kiraia kwa zaidi ya miongo mitatu tangu mwezi Februari 1986, na kimesaidia jitihada za uokoaji kwenye majimbo ya Tabasco, Chiapas, Oaxaca, Jimbo la Mexico, Veracruz na Mexico City, yote yakiwa nchini Mexico na kwenye nchi nyinginezo duniani ikiwa ni pamoja na Haiti, Indonesia, El Salvador na Chile.

Topos México hawapokei malipo yoyote kwa kazi zao ka sababu kazi zao zinafanyika kwa mtindo wa kujitolea. Nyakati nyingi, serikali za mitaa au serikali kuu ya shirikisho nchini Mexico huwalipia gharama za usafiri na nchi wanazokwenda huwapatia visa na kuwawekea mazingira ya kufika kwenye eneo la tukio..

Video ifuatayo inaonesha mhutasari wa kazi za Topos.

Anza mazungumzo

Mwandishi, tafadhali jiandikishe »

Miongozo

  • Tafadhali wape heshima watumiaji wengine. Maoni yenye lugha ya chuki, matusi na mashambulizi binafsi hayataruhusiwa.