Uwanja wa Ndege wa Ataturk. Picha: wikipedia.
Watu wasiopungua 42 wamepoteza maisha kufuatia mashambulizi ya risasi na mabomu matatu ya kujitoa muhanga kwenye uwanja wa ndege wa Ataturk, Istanbul, ambao ni moja wapo ya viwanja vyenye shughuli nyingi zaidi barani Ulaya na kituo cha usalama wa anga duniani.
Mashambulizi hayo yaliyofanywa na wakimbizi wasiopungua watatu yalifanywa mnamo Juni 29 na Waziri Mkuu wa Uturuki Binali Yildirim anayahusisha mashambulizi hayo na kikundi cha magaidi wa ISIS.
Kwamba shambulio hilo lilifanyika katika uwanja wenye shughuli nyingi zaidi duniani kulimaanisha kwamba habari hizo zilisambaa kwa haraka kupitia vyombo vikuu vya habari duniani kote sambamba na vyombo vya habari za kiraia:
1st photo from Istanbul's Ataturk airport where 2 major blasts rocked int'l terminal, leaving multiple casualties.pic.twitter.com/xhu1uMfzTS
— Mustafa Edib Yılmaz (@MustafaEdib) June 28, 2016
Picha ya kwanza ya uwanja wa ndege wa Ataturk jijini Instabul ambapo mabomu mawili makubwa yalilipuka kwenye sehemu mbili za kuingilia au kutokea abiria wa kimataifa, na kusababisha majeruhi wengi
TURKEY – Children & relatives embrace as they leave Ataturk airport after Istanbul suicide attack. By @ozannkosee pic.twitter.com/nTGunVnOJe
— Frédérique Geffard (@fgeffardAFP) June 28, 2016
UTURUKI – Watoto na ndugu wakikumbatiana wakati wakiondoka kwenye uwanja wa ndege wa Ataturk baada ya shambulio la kujitoa muhanga la Instabul
Kama ambavyo imekuwa kawaida nchini Uturuki wakati wa matukio ya majanga, mamlaka za nchi hiyo zilikimbilia kutafuta zuio la kimahakama kuzuia watu kuacha kujadili tukio hilo na hivyo kufungia mitandao ya Facebook na Twita ambayo awali ilikuwa ikipatikana mpaka jioni ya Jumatano.
Text of the temporary gag order on Istanbul Ataturk twin suicide bomb attack issued by PM.https://t.co/N0sHNhKJ4l pic.twitter.com/ph7zKFgzzd
— efe kerem sozeri (@efekerem) June 28, 2016
Tangazo la kuzuia majadiliano ya tukio la shambulio la Istanbul Ataturk limetolewa na Waziri Mkuu
Mwandishi wa Global Voices Efe Kerem Sozeri alichambua jaribio la serikali kufungia vyombo vya habari na mitandao ya kijamii kwenye mtandao wa Vocativ, akisisitiza kwamba serikali ilikuwa imezuia watu kupata habari muhimu kwa wakati.
Wakati madereva teksi walitumia janga hilo kujipatia kipato kwa kudai nauli zaidi ya kawaida, mahoteli kwenye miji yote mikubwa nchini Uturuki pamoja na jiji la Instanbul ziliwakaribisha wasafiri wa mataifa yote waliokuwa wamekwama bila kuwatoza gharama zozote.
16 guests are resting in their rooms. We have one room left! #taksim #istanbul #PrayForTurkey #prayforistanbul https://t.co/TvGt0okaz6
— Suite Begonia (@BegoniaIstanbul) June 29, 2016
Wageni 16 wamepumzika kwenye vyumba vyao. Tuna chumba kimoja kimebaki!
Amazing: Turkish student living near airport offers to let stranded passengers stay at his home. #istanbulattack https://t.co/EVoF9SjqxF
— Borzou Daragahi (@borzou) June 28, 2016
Inasisimua: Mwanafunzi wa Uturuki anayeishi karibu na uwanja wa ndege amewakaribisha wasafiri waliokuwa wamekwama kulala nyumbani kwake
Mashambulio yanayofanyika kwenye viwanja wa ndege yanatukumbusha kile ambacho wachambuzi wa mambo wamekuwa wakiita ‘hali ya kawaida’ ya Uturuki —kwa maana ya mzunguko ule ule wa mashambulio yanayowalenga raia waliokuwa wakionekana kuwa na amani miaka miwili iliyopita.
Major recent attacks.. And the conflict in Southeast #Turkey… Hundreds… Hundreds died… https://t.co/nlJd4u1ZbU pic.twitter.com/cArfrHOhO3
— Cagil M. Kasapoglu (@CagilKasapoglu) June 29, 2016
Mashambulio makubwa ya hivi karibuni…na mgogoro wa Kusini Mashariki ya Uturuki …mamia…mamia wamekufa
Mashambulio yametokea miaka miwili kamili baada ya kiongozi wa magaidi wa ISIS Abu Bakr al-Baghdadi kutangaza kuushikilia mjini wa Mosul nchini Iraq, ingawa kikudni hicho mpaka sasa bado hakijatangaza kuhusika na shambulio hizo.
