Unaona lugha zote hapo juu? Tunatafsiri habari za Global Voices kufanya habari za kidunia zimfikie kila mmoja.

Rafael Correa Aapishwa kwa Kipindi cha Tatu Kama Rais wa Ekuado

Rafael Correa amekabidhiwa madaraka kuwa Rais wa Jamhuri ya Ekuado kwa kipindi kingine mpaka mwaka 2017.

Correa aliianza awamu yake ya tatu katika Bunge akishuhudiwa na wakuu wa nchi kadhaa za Marekani ya Kusini na Ulaya, wawakilishi wa kimataifa, wabunge, mawaziri, wanafamilia wake na wanachama wa chama tawala cha  Alianza PAIS. Correa na Makamu wake Jorge Glas waliapishwa na Rais wa Bunge, Gabriela Rivadeneira, asubuhi ya Mei 24, 2013.

Katika hotuba yake ya kuapishwa Rais Rafael Correa aliahidi kuendelea na mipango ya kijamii ambayo ndiyo iliyochangia umaarufu wake mkubwa. Correa alisisitiza kuwa uwekezaji wa umma utaendelezwa mwaka huu kwa asilimia 15 ya Pato la Ndani (GDP) kuendelea na mipango ya kijamii na kujenga miundo mbinu.

Posesión de mando del presidente Rafael Correa. Quito, Ecuador, 24 mayo de 2013. Foto de  Presidencia de la República del Ecuador en Flickr. (CC BY-NC-SA 2.0)

Rais Rafael Correa mara baada ya kukabidhiwa madaraka ya kuongoza nchi yake. Quito, Ecuador, Mei 24, 2013. Picha kutoka
Ofisi ya Rais wa Jamhuri ya Ekuado kwneye mtandao wa Flickr. (CC BY-NC-SA 2.0)

Katika mtandao wa twita wananchi wa Ekuando walitoa maoni yao kuhusiana na hotuba hiyo kwa kutuma alama habari #PosesiónPresidencial [es] (Rais akabidhiwa madaraka).

Carlos Macas (@CarlosMacas19) [es] alitaja moja wapo ya mabadiliko ya Tume ya Pamoja Kimarekani kwa Haki za Binadamu (IACHR) kwamba Correa alipendekeza [es]: mabadiliko ya makao makuu kutoka Washngton kwenda kwenye nchi iliyopo kwenye bara hilo ambayo ilijiunga na Tume ya Pamoja ya Kimarekani kwa Haki za Binadamu (inayofahamika pia kama Maridhiano ya San José).

@CarlosMacas19: Rafael Correa “La sede de la CIDH tiene que estar en un País, que haya ratificado el pacto de San Jose” #PosesiónPresidencial RT

@CarlosMacas19: Rafael Correa “Makao Makuu ya Tume hiyo (IAHCR) ni lazima yawe katika nchi inayoridhia Makubaliano ya San Jose” #PosesiónPresidencial RT

Lakini mwanasheria na mwanaharakati wa kisiasa Luis A. Gaibor G. (@Luisgaiborg) [es] aliuliza:

@Luisgaiborg: De q sirve q #Ecuador firme todos los Pactos d D. Humanos si ni siquiera se respeta el Derecho d Libertad d Expresión #PosesionPresidencial

@Luisgaiborg: Inajalisha nini kama #Ecuador itatia saini Makubaliano yote ya Haki za Binadamu kama haiheshimu Haki ya Uhuru wa Kujieleza #PosesionPresidencial

President Correa ana mahusiano ya karibu sana [es] na vyombo vya habari nchini humo. Katika hotuba yake alisema “vyombo vya habari katika Bara la Amerika ya Kusini, ukiacha mifano michache kama ilivyo kawaida, ni vibovu, vibovu sana” na akadai kuwa mhanga wa “kufa kwa vyomvo vya habari”. Hata hivyo, kama mtaalamu wa mawasiliano ya umma Edison Pérez (@edyelrojo) [es] alivyosema, Correa aliongeza: “Tutautetea uhuru wa kujieleza wa wananchi wote wa Ekuado na sio makundi fulani fulani pekee”.

Luis Baque Gutiérrez (@baquelig) [es] alirudia maneno ya rais katika hotuba yake:

@baquelig#PosesiónPresidencial Este ECUADOR no esta dispuesto a ser colonia de nadie. Bravo @MashiRafael

@baquelig#PosesiónPresidencial UKUADO haiko tayari kuwa koloni ya yeyote. Heko @MashiRafael

Kwa mtazamo wa kina zaidi, @Jose_CastroS [es] wa Guayaquil alihoji maneno ya Correa  alipotamka [es] kwamba “Papa ni Mu-Ajentina, Mungu huenda ni Brazili (kama alivyowahi kusema Rais wa Brazili Dilma Rousseff), kwa hiyo ni hakika kuwa paradiso ni Ekuado”:

@Jose_CastroS: que Ecuador es el paraiso ? donde deja la delincuencia, el narcotrafico , asesinatos? #PosesiónPresidencial#CorreistaPendejo

@Jose_CastroS: Kwa hiyo Ekuado ni paradiso? Vipi vitendo vya jinai, usafirishaji wa madawa ya umma, mauaji? #PosesiónPresidencial#CorreistaPendejo

Mwisho, Elector Ecuador (@ElectorEcuador) [es], mradi wa kiraia ambao unawahabarisha wapiga kura kuhusu wagombea wa uchaguzi nchini humo, alimpongeza Correa na makamu wake:

@ElectorEcuador: #Ecuador Felicitamos en su nuevo mandato a @MashiRafael y @JorgeGlas #24deMayo #EleccionesEC http://fb.me/1X8pM9zO4

@ElectorEcuador: #Ecuador Tunampongeza @MashiRafael na @JorgeGlas kwa kushinda kipindi kingine cha uongozi #24deMayo #EleccionesEC http://fb.me/1X8pM9zO4

Anza mazungumzo

Mwandishi, tafadhali jiandikishe »

Miongozo

  • Tafadhali wape heshima watumiaji wengine. Maoni yenye lugha ya chuki, matusi na mashambulizi binafsi hayataruhusiwa.