Wachezaji wa Nepal hadi sasa hawajapata medali hata moja kwenye mashindano ya Olimpiki ya Rio, lakini hata hivyo, raia wa Nepali hata hivyo, wana kila sababu ya kujivunia, shukrani kwa vyombo vya habari kwa kuupa nafasi wimbo wa Taifa pamoja na kumtambua mwogeleaji mdogo aliyeonesha umahiri mkubwa.
Mwanamichezo mdogo kuliko wote kwenye mashidnano ya Olimpiki ya Rio, Gaurika Singh [2], ni raia kutoka Nepal. Alikuwa na umri wa miaka 13 na siku 255 [3] wakati aliposhindana kwenye mbio za mita 100 za kuogelea kimgongo mgongo kwenye mzunguko wa awali.
Pamoja na kuwa hakuweza kufika fainali na pia kuvunja rekodi ya kitaifa aliyokuwa ameipania [4] — aliwashinda waogeleaji wengine wawili kwenye mzunguko wa awali alipokuwa akishindana nao.
Hiyo ni rekodi nzuri: Raia wa Nepal #GaurikaSingh [5] ‘amekuwa mwanamichezo mdogo kabisa kushinda mzunguko wa awali kwenye mashindano ya Olimpiki https://t.co/JtfIIX3X17 [6]
— Ujjwal Acharya (@UjjwalAcharya) Agusti 8, 2016 [7]
Pamoja na kuwa hakuongeza lolote kwenye rikodi yake ya kitaifa, ninajivunia kuwa #GaurikaSingh [5] aliogelea kwa heshima ya Nepal kama mwanamichezo modogo kabisa kwenye olimpiki ya #Rio2016 [8] :-)
— Ujjwal Acharya (@UjjwalAcharya) Agusti 7, 2016 [9]
Gaurika singh ameshinda hatua za awali tu, lakini ni kama vile tayari ameshajinyakulia meddali kwenye mashindano ya Olimpiki!
— Prasanna KC (@KC_Prasanna) Agusti 7, 2016 [10]
Kwa kuongeza furaha ya raia wa Nepal, ulikuwa ni uamuzi wa kituo cha utangazaji cha BBC wa kujumuisha wimbo wa Taifa la Nepal kwenye safu [12] yake ya nyimbo za taifa bora kabisa [13] kwenye mashindano ya Olimpiki ya mwaka huu.
Urusi ilikuwa ya kwanza, ikifuatiwa na Myanmar halafu Nepal.
Shirika la Utangazaji la BBC liliujumuisha wimbo wa Taifa la Nepal kwenye safu ya nyimbo 10 bora za taifa duniani kwenye mashindanno ya Olimpiki 2016
— Siddhantha Kc (@KcSiddhantha) Agusti 10, 2016 [14]
“[Wimbo wa Taifa la Nepal] ni mzuri na kwa kiasi fulani ninatatizwa kufahamu kuwa ulikuwa ni zao la mapinduzi ya mfuasi wa siasa na falsafa za Mao Zedong.” https://t.co/cwDPXVtawj [15]
— Anup Kaphle (@AnupKaphle) Agusti 10, 2016 [16]
Ukiwa umeandikwa na mshairi Pradeep Rai, aliyejulikana pia kama Byakul Maila, na kutungwa na hayati Amber Gurung, wimbo huu ulirasimishwa rasmi kama wimbo wa Taifa la Nepali [17] mnamo Agosti 3, 2007.
Kama bado hujausikiliza, huu hapa ndio wimbo mzuri wa kujivunia umoja na uhuru wa Nepali.
Na hii ni tafsiri ya Kiingereza [18] ya wimbo wa Taifa la Nepali iliyofanywa na Sushma Joshi.
Mamia ya mashada ya maua, sisi ni shada moja la raia wa Nepali.
Uhuru, umeenea kutoka Mechi hadi Mahakali.
Rasilimali zimeenea kila mahali, hazihesabiki
Damu za mashujaa zimetufanya kuwa huru, hawasahauliki.
Nchi ya maarifa, nchi ya amani— Tarai, Pahad, Himal
Isiyogawanyika, ipendwayo, nchi yetu ya asili Nepali.
Taifa tukufu la makabila mengi, lugha, Imani na tamaduni
Taifa letu endelevu, ishi maisha marefu, ishi maisha marefu nepali.