Afrika Kusini Yakumbuka Mashindano ya Kombe la Dunia 2010 Yalivyokuwa
Mashabiki wa soka waliobeba mavuvuzela wakitazama mchezo wa ufunguzi wa Kombe la dunia. Picha ya Marcello Casal Jr. Imechapishwa na Agência Brasil kwa leseni ya Creative Commons.
Miaka mitano iliyopita mnamo Juni 11, mashindano ya 19 ya Kombe la Dunia la FIFA yalianza Afrika Kusini. Ilikuwa ni mara ya kwanza kwa mashindano hayo kufanyika kwenye ardhi ya Afrika. Kwa kutumia alama habari ya #2010Memories [#KumbukumbuZa2010], Waafrika Kusini kwenye mtandao wa twita walikumbuka siku ambayo mavuvuzela yalitawala ulimwengu wa kandanda.
Vha Musanda aliweka picha mtandaoni iliyoonesha dakika muhimu iliyoitoa mchozi ya furaha Afrika Kusini. Lilikuwa ni goli la kwanza kwenye mashindano hayo lililofungwa na mshambuliaji wa Afrika Kusini Tshabalala kwenye mchezo dhidi ya Mexico, uliomalizika kwa bao 1-1:
The moment that brought tears to SA'ns. We were United. S/O to my government for that dispora donation #2010memories pic.twitter.com/muGzcdQSLv
— Vha Musanda (@freedom_ride) June 11, 2015
Dakika iliyowatoa machozi mashabiki wa Afrika Kusini. Tuliunganishwa. Shukrani kwa serikali kwa mchango wa raia waishio ughaibuni
Video ya YouTube hapa chini inamwonesha Shakira akiimba Waka Waka, wimbo rasmi wa Mashindano ya Kombe la Dunia 2010 wakati wa sherehe za ufunguzi:
Wakati kila mmoja alikuwa na ‘kichaa’ cha mashindano, Khulekani Mathe anakumbuka alivyochanganyikiwa kwa jambo jingine kabisa:
This day in 2010 I was in India. When everyone was going crazy about the opening match I was going crazy with nowhere to watch #2010memories
— Khulekani.Mathe (@knmathe) June 11, 2015
Siku kama ya leo 2010 nilikuwa India. Wakati kila mmoja akifuatilia mechi ya ufunguzi, nilikuwa nimechanganyikiwa nisijue wapi nikatazame mchezo huo
Mtumiaji wa twita King Billy anasema hakuwahi kujisikia salama kwenye mitaa ya Johannesburg, inayosemekana kuwa moja wapo ya mitaa hatari zaidi duniani:
I had never felt so safe in the streets of Johannesburg that month in my WHOLE LIFE #2010memories and it felt so great to be alive!
— King Billy⭐ (@itsmissbilly_) June 11, 2015
Sikuwahi kujisikia salama kwenye mitaa ya Johannesburg mwezi huo kuliko kipindi chochote MAISHANI MWANGU
Vuma Augustus alisema hakuwahi kuona watu walioungana pamoja kama hao kwenye maisha yake:
#2010memories@encanews I've never seen people so united in my life,missing the vibes #2010 siyabangena
— Vuma Augustus (@vuma5) June 11, 2015
Sikuwa kuwaona watu walioungana kiasi kwenye maisha yangu, nimekumbuka nyakati hizi sana
Baadhi ya Waafrika Kusini wanaoonekana kushangazwa na madai kwamba nchi hiyo ilitoa rushwa ya dola za Marekani milioni 10 ili kupewa nafasi ya kuandaa mashindano hayo.
Mtumiaji wa Twita ‘Yang and Reckless’ alisema kashfa hiyo haimsumbui:
#2010memories #IwasThere to witness a beautiful country united. Bribe or no bride the 2010 World Cup Legacy lives on pic.twitter.com/UH7g2t9z1B
— Yang and Reckless (@CosteMayang) June 11, 2015
Nilikuwepo kushuhudia nchi nzuri iliyoungana. Rushwa iwepo au isiwepo Kumbukumbu ya Kombe la Dunia la 2010 itaendelea kuwepo
Watu wengine mtandaoni hawakuwa tofauti sana:
#2010memories#FIFAscandal WTF***k who cares there was a bribe or not..we got beautiful stadiums..tourists ar still coming so wht
— Lucky 1Xap sentence. (@LuckylLucky) June 11, 2015
Nani anajali kama rushwa ilitolewa au haikutolewa…tulipata viwanja vizuri…watalii bado wanakuja…sasa nini
Nchi nyingine, anasema Nkateko Baloi, zina wivu wa maendeleo ya Afrika Kusini mwaka 2010:
@UvekaR why must we dwell on the past when the other countries r jealous of how awesome the world cup was #2010memories
— ★₦ĸαƫΣк̲̣̣̥o̲̣̥♡̬̩̃̊ (@NkatekoBaloi) June 11, 2015
Kwa nini tubaki kukumbuka mambo ya zamani wakati nchi nyingine zina wivu wa namna mashindano yalivyokuwa mazuri
Kwa mujibu wa Kabwe Songolo, vitendo vya serikali ya Afrika Kusini na FIFA havipaswi kutupotezea mwelekeo wa kufurahia kandanda lenyewe:
#2010memories@EconFreedomZA @MbuyiseniNdlozi The conduct of RSA and FIFA officials mst nt be confused with World Cup Event. Delink them pls!
— Kabwe Songolo (@KabweSongolo) June 11, 2015
Vitendo vya serikali ya Afrika Kusini na maafisa wa FIFA visitufanye kushindwe kufurahia tukio la Kombe la Dunia. Achacheni nao!
Baadhi ya watumiaji wa mtandao walielekeza maoni yao kwa wapepelezi wa Serikali ya Marekani, ambao ndio waliohusika kuwakamata wakubwa wa FIFA nchini Uswisi.
But one things the FBI cannot take away from #SouthAfrica is the pride and #2010memories!
— King Billy⭐ (@itsmissbilly_) June 11, 2015
Lakini kimoja ambacho [wapelelezi wa] FBI hawawezi kukichukua kutoka Afrika Kusini, ni fahari na kumbukumbu ya 2010!
Hata hivyo, kumbukumbu za Charlie Langa hazikuwa chanya kama ilivyo kwa wa-Afrika Kusini wengine kwenye mtandao wa Twita:
The legacy of Corruption. Bribery, Racketeering, Money Laundering, Tax evasion.The list is too long=783. #2010memories.
— Charlie Langa (@CharlieLanga) June 11, 2015
Kumbukumbu ya Ufisadi. Rushwa, mipango ya wizi, Uhamishaji wa Fedha haramu, Ukwepaji wa kodi. Orodha ni ndefu
Wakati Tom Moultrie akishangaa kiasi gani cha uungwana walichokipoteza Waafrika Kusini tangu kumalizika kwa Kombe la Dunia:
#2010memories all over my social media today. How much innocence have we lost in the last 1826 days?
— Tom Moultrie (@tomtom_m) June 11, 2015
Kumbukumbu za 2010 zimetamalaki kwenye mitandao yangu yote ya kijamii leo. Tumepoteza uungwana kiasi gani katika siku 1826 zilizopita?
