- Global Voices in Swahili - https://sw.globalvoices.org -

Je, Utoaji wa Mimba Unaweza Kujadiliwa Kwenye Treni za Medellín?

· Imeandikwa na Cati Restrepo (en) imetafsiriwa na Danica Jorden, Mghosya

Mada za Habari: Colombia, Uandishi wa Habari za Kiraia, Wanawake na Jinsia

Wakazi wa jiji la Medellín, Colombia [1], wanajiuliza kama treni inaweza kuwa eneo la kuzungumzia masuala ya utoaji mimba, kutokana na tangazo la kampeni ya #ladecisiónestuya [2] (uamuzi ni wako) inayoendeshwa kwa mifumo mbalimbali ndani ya vyombo vya usafiri wa umma, hasa magari, kama inavyosimuliwa na mtumiaji wa twita aitwaye Jaime Andrés (@JAIM3_ANDR3S) [3]:

Uamuzi ni Wako pic.twitter.com/Nbaq2zJHXn

— Jaime Andrés (@JAIM3_ANDR3S) May 26, 2015

Uamuzi ni Wako

Kampeni hiyo inaendeshwa na shirika lisilo na kiserikali [7] linalotoa huduma za afya ya uzazi, ikiwa na ujumbe “kutolewa kwa mimba 3980,000 isiwe kosa la jinai.”

Kwa kutumia alama ishara ya #Abortonoesculturametro [8] (Utoaji Mimba si Utamaduni wa Ndani ya Treni) kwa kurejea sheria mbalimbali zinazoongoza treni za Medellín zinazoitwa “Cultura Metro” (Utamaduni wa Metro), watu wamekuwa wakiadili maoni kuunga mkono au kupinga utoaji mimba, kwa namna ile ile kama mifumo ya sauti kwenye magari inavyotumika kila siku kutuma ujumbe na habari nyingine za picha.