Habari zilizochukua nafasi ya mbele kwenye vyombo vya habari vya kimataifa na vile vya ndani ya nchi kuhusiana na shambulio la kigaidi lililofanywa na wanamgambo wa Al-Shabaab kwenye Chuo Kikuu cha Garissa, lililosababisha vifo vya watu 147, zimepata ukosoaji mkali. Wakati majina ya washambuliaji yakichapishwa sana, wahanga wa tukio hilo wamekuwa wakitajwa kwa tarakimu pekee: 147.

Katika kujaribu kufanya tofauti, wananchi wa Kenya mtandaoni wamefanya jitihada kubwa za kutangaza majina na sura za marehemu waliopoteza maisha yao kufuatia shambulio hilo.

Akiblogu kwenye blogu iitwayo Afrika ni Nchi, mwandishi wa Kenya Binyavanga Wainaina alisema Kenya “haitakuwa taifa kama hatutaweza kupeana heshima zinazostahili kwa raia wanaopoteza maisha yao”:

Ninataka kuona majina na umri na picha za wale wote waliopoteza maisha yao kwenye shambulizi la Mpeketoni. Wle waliouawa wakati wa ghasia za baada ya uchaguzi. Nataka habari zilizokamilika. Kusahau si jambo jema. Ni kupitia matendo haya, ubinadamu wetu unahuishwa. Siasa za kusema hatuko tayari kuwajitazama, uchungu mkubwa, ni siasa zinazoturuhusu kupuuza pale m-Kenya anapoharibu taasisi aliyoipewa kuiongoza, na kuiharibu vibaya, kisha kurudi tena, akiwa mithili ya roboti, aina mpya ya roboti kutawala sehemu nyingine tena.

Aliendelea:

Ninataka kuona wakazi milioni tatu wa Nairobi wakiingia mtaani kulia, kuimba na hata kukumbatiana kwa sababu watoto wetu wameuawa. Ninataka kuacha kujisikia kwamba tunaishi kwa uhuru wa ndani ya nafsi zetu. Nataka kuacha kusikia neno kujiwezesha kwa mara nyingine.

Kwenye mtandao wa Twita, Ory Okolloh Mwangi alieleza kwa nini ni muhimu katika utamaduni wa Kiafrika kuwataja kwa majina wahanga:

Naming and naming ceremonies a big deal in African culture. Signifies life past, present, future. And so we will name them one by one.

— Ory Okolloh Mwangi (@kenyanpundit) April 5, 2015

Kumtaja marehemu kwa jina lake ni jambo kubwa kwenye utamaduni wa Afrika. Ni kitendo cha kuyapa maisha maana inayostahili iwe kabla, hivi sasa na kwa siku zijazo. Na tutawaja kwa majina mmoja baada ya mwingine.

Ili kuweza kuwafanya wahanga kupata hadhi ya ubinadamu, baadhi ya watumiaji wa mtandao wa Twita wame-twiti alama habari ya  #147notjustanumber yenye maana ya #147sitarakimutu ili kujaribu kuwataja marehemu kwa majina yao pamoja na picha:

RIP Elizabeth Nyangarora. Graduated in 2012 from St Andrews Kanga Girls High. #147notjustanumber #TheyHaveNames pic.twitter.com/CPVPzNw0RB

— Tom Vandenbosch (@TVandenbosch) April 5, 2015

Apumzike kwa amani Elizabeth Nyangarora. Alihitimu mwaka 2012 Shule ya Sekondari ya Wasichana ya Mt. Andrew

This is Tobias, he died in #GarissaAttack; to us he's not a number, he's a son, bro, friend. #147notJustANumber pic.twitter.com/dUSLXnCv9V

— Mr. B (@Benogola) abril 5, 2015

Huyu ni Tobias, aliuawa kwenye shambulio la Garissa; kwetu yeye si tarakimu, ni mwana, kaka, rafiki

R.I.P Ivy Betty Wanjiku (Shiko) 1st yr student #GarissaAttack #147NotJustANumber cc @Maskani254 pic.twitter.com/JqBZzXrTP0

— Ian (@ianmslim) abril 6, 2015

Apumzike kwa amani Ivy Betty Wanjiku (Shiko) mwanafunzi wa mwaka wa kwanza aliyeuawa kwenye shambulio la Garissa

Angela ‘Ka/Jojo’ Kimata Githakwa #147notjustanumber #TheyHaveNames Karima Girls’ high School Alumni 2011 pic.twitter.com/NNl7KbX6MV

— Maskani Ya Taifa (@Maskani254) abril 6, 2015

Angela ‘Ka/Jojo’ Kimata Githakwa. Alimaliza Shule ya Sekondari ya Wasichana Karima mwaka 2011

#147notjustanumber We will keep their memories in our hearts forever. Please keep sending their bios and photos pic.twitter.com/9YXligTxgs

— #147notjustanumber (@Lovefied) abril 6, 2015

Tutaendelea kuwakumbuka mioyoni mwetu daima. Tafadhali endelea kutuma wasifu na picha zao

As attackers get headlines and their names live in immortality, their victims are forgotten as just statistics. #147notjustanumber

— DM Licker (@Owaahh) April 6, 2015

Magaidi wanapoandikwa sana na majina yao yakionekana kuendelea kuwa hai, wahanga wa ugaidi wao wanasahaulika kama tarakimu tu

@Reclvse aliandika kwamba hatua hii inahusiana na na uhai wa binadamu na sio tarakimu:

I like how Kenyans are mentioning names & telling stories of the Garissa attack victims to ensure #147notjustanumber. Lives, not statistics.

— [uncens***d] (@Reclvse) April 5, 2015

Ninapenda namna wa-Kenya wanavyotaja majina na kusimulia wasifu wa wahanga wa shambulio la Garissa kuhakikisha kwamba hawabaki kuwa tarakimu pekee. Marehemu hawa ni binadamu, sio takwimu tu

@lunarnomad alizungumzia kuhusu lengo la kampeni hiyo:

I'm so tired of seeing bloody images in the media regarding #Garissa Check out #147notjustanumber to see the humans behind the bullets.

— mango (@lunarnomad) April 6, 2015

Nimechoka kuona picha za marehemu wakitapakaa damu kufuatia shambulio la Garissa. Angalia alama habari ya #147sitarakimutu ili kuona binadamu walioathirika na risasi hizo

Mary Njeri Mburu alitwiti:

I hope the print media will run free obituaries for victims of Garissa attack as they did after Westgate. #147notjustanumber #GarissaAttack

— Mary Njeri Mburu (@mburumaria) abril 6, 2015

Ninaamini magazeti yataruhusu matangazo ya bure ya vifo kwa wahanga wa shambulio la Garissa kama walivyofanya baada ya lile la Westgate

Eunice aliweka mithali ya ki-Kenya, kwa kutumia alama habari tofauti— #KenyanLivesMatter [Maisha ya wa-Kenya yana thamani], sawa sawa na kampeni ya #BlackLivesMatter nchini Marekani:

A man who uses force is afraid of reasoning. ~Kenyan proverb. My thoughts with you. #KenyanLivesMatter #GarrisaAttack

— Eunice (@EuniceKira) April 5, 2015

Mtu atumiaye nguvu anaogopa kutumia akili. ~Methali ya ki-Kenya. Tuko pamoja katika kipindi hiki kigumu