Maandamano yanazidi kushamiri katika nchi ya Palestina hususani katika majiji ya Ukanda wa Magharibi ambayo ni: Hebron, Ramallah, Bethlehem na Nablus. Waandamanaji wanaonesha hasira yao kwa mamlaka ya Palestina wakilalamikia gharama kubwa za maisha pamoja na ongezeko kubwa la vijana wa Palestina wasio na ajira.

Maandamano yalianza mara baada ya mamlaka ya Palestina kutangaza kuongeza bei za mafuta na petroli kwa takribani asilimia 8 katika ukanda wa Magharibi, bei zitakazaoanza kutumika mwazoni mwa mwezi Septemba. Kwa hiyo, ongezeko hili lilisababisha kuongezeka kwa bei za bidhaa, bila ya kuongezeka kwa mishahara wala ujira katika nchi ya Palestina.

Aban Idrees alishuhudia maandamano jijini Hebron na alitwiti[ar]:

Mwanablogu Ola Al Tamimi pia alitwiti kutokea Hebron [ar]:

Ola aliongeza[ar]:

Hafez Omar, Mpalestina mwanaharakati na msanii alitwiti[ar]:

Mtandao wa Twita pia ulifurika misemo mingi ya utani iliyowekwa na waandamanaji wa Palestina. Rana Baker alitwiti [ar]:

Bango jingine lilinaswa na mpiga picha Lamees Suradi:

@lames7: Maoni mazuri zaidi kutoka kwa Nablus: “kama huwezi kuwatetea masikini, basi haupo kuwatetea wafungwa vile vile; tafadhali tuambie ni kwa nini bado uko madarakani!”

Mtumiaji wa Twita, iPalestine alitwiti kuhusiana na jaribio la kutaka kujitoa mhanga kwa mtu aliyejulikana kwa jina la Hussein Qahwaji [ar]:

Baadhi ya taarifa zinasema kuwa mtoto wa kike wa Qahwaji anasumbuliwa na saratani na anapata matibabu huko Jordani na kwamba Qahwaji hakuweza kumtembelea na ailiamua kujiunguza kwa moto ili kuishinikiza mamlaka ya Palestina imsaidie fedha ili akamjulie hali mtoto wake.

Haikuwa mara ya kwanza kwa M-palestina kutumia njia ya kujitoa mhanga kwa kujichoma kama njia ya kuonesha kutoridhishwa na jambo. Septemba 2, huko Gaza, mtu mwenye umri wa miaka 17, Ehab Abu al-Nada alikufa baada ya kujiunguza kwa moto, labda akifuata nyayo za m-Tunisia Mohamed Bouazizi. Ehab Abu al-Nada aliacha kuendelea na masomo na badala yake alikuwa akifanya kazi kwa takribani masaa 13 kila siku ili kujipatia ujira wa shekel 13 tu (karibu sawa na dola za kimarekani 7.4) ili aweze kumsaidia baba yake kuihudumia familia yao.
Jambo hili liliwagusa wengi, haswa mara baada ya picha ya kiongozi wa Hamas Ismail Haniyeh akiwa na baba yake Ihab, kuwekwa mtandaoni; Hanyeh alimtembelea ili ‘kumpatia msaada wa dharura’ wa dola za Marekani 2,000 kufuatia kifo cha Ehab.
Wengi wanafikiri kama harakati hizi zitaendelea, na kama zitaweza kuenezwa katika miji na majiji mengine. John Loyndon aliuliza:

@johnlyndon1: Kujitoa mhanga kwa kujiunguza kwa moto katika mji wa Gaza; kujichoma kwa moto kwa Fayyad huko Hebron; maandamano katika majiji muhimu huko ukanda wa Magharibi. Je, maandamano ya kuipinga serikali yanakuja Palestina kwa kuchelewa?